Fransa millisinin baş məşqçisi Didye Deşam anasının vəfatı səbəbindən futbol üzrə dünya çempionatının qrup mərhələsinin son turunda Norveçə qarşı keçiriləcək oyunda komandasına rəhbərlik etməyəcək.
Avrop.info xəbər verir ki, bu barədə Fransa Futbol Federasiyasının mətbuat xidməti məlumat yayıb.
Bildirilib ki, Deşam komandanın düşərgəsini tərk edərək vətəninə yollanıb. Fransa-Norveç qarşılaşması iyunun 26-da keçiriləcək.
Fransa və Norveç milliləri I qrupunda mübarizə aparır. Hər iki komanda 6 xal toplayaraq pley-off mərhələsinə vəsiqəni təmin edib. Qrupa lider kimi yüksəlmək üçün Fransa millisinə son turda məğlub olmamaq kifayət edəcək.
Qeyd edək ki, 57 yaşlı Deşam 2012-ci ildən Fransa millisini çalışdırır. Onun rəhbərliyi altında komanda 2018-ci ildə dünya çempionu olub, 2022-ci ildə mundialın gümüş medalını qazanıb, 2016-cı il Avropa çempionatında ikinci yeri tutub və 2024/2025 mövsümündə UEFA Millətlər Liqasının qalibi olub.
