ABŞ-ın Aydaho ştatında restoranda baş verən atışma nəticəsində ən azı 3 nəfər ölüb, 2 nəfər yaralanıb.
Avropa.info-nun məlumatına görə Amerika mediasına açıqlama verən təhlükəsizlik rəsmiləri, yerli vaxtla günorta saatlarında Aydaho ştatının cənubundakı Twin Falls bölgəsində silahlı hücumun baş verdiyini bildiriblər.
Səlahiyyətlilər hücumçunun restorana yarı avtomatik tüfənglə girərək atəş açmağa başladığını, ən azı 3 nəfəri öldürdüyünü, 2 nəfəri yaraladığını bildirib.
Təcavüzkarın daha sonra öz tapançası ilə intihar etdiyini bildirən səlahiyyətlilər, hadisə ilə bağlı istintaq başladıldığını qeyd edib.
