Vaşinqton administrasiyası Ukraynadakı münaqişənin həllində konstruktiv rol oynamağa çalışır.
Avropa.info xəbər verir ki, bunu ABŞ Dövlət Katibi Marko Rubio Fox News-a verdiyi müsahibədə deyib.
Onun sözlərinə görə, Vaşinqton administrasiyası bu məsələ ilə bağlı danışıqların bərpası perspektivlərini qiymətləndirmək üçün yaxın həftələrdə bir neçə addım atmaq niyyətindədir: “Amerika Birləşmiş Ştatlarının Prezidenti Donald Tramp ABŞ-ın bu müharibənin sona çatmasında rol oynaya biləcəyini açıq şəkildə bildirib. Biz buna səy göstərməyə davam edəcəyik”.
Dövlət Departamentinin rəhbəri ABŞ-ın bu sahədə “həmişə konstruktiv rol oynamağa hazır olduğunu” vurğulayıb: “Növbəti bir neçə həftə ərzində müharibənin sona çatması üçün tərəflər arasında danışıqları bərpa edib-etməyəcəyimizi anlamaq üçün bəzi səylər görəcəksiniz”.
Rubionun sözlərinə görə, Tramp administrasiyasına aşağıdakı təlimatları verib: “Əgər sülh danışıqlarını sürətləndirmək üçün fürsət görürsünüzsə, gəlin bunu edək”.
