Yaponiyanın Kumamoto əyalətində iyulun 28-də baş verən 7,1 bal gücündə zəlzələdə həyatını itirənlərin sayı 38-ə yüksəlib.
Avropa.info xəbər verir ki, NHK dövlət televiziyasının xəbərinə görə, Kumamoto Prefektura Qubernatorluğu rəsmisi zəlzələdə həyatını itirənlərin sayının 38-ə yüksəldiyini bildirib.
Dağıntılar nəticəsində xəsarət alan 13 nəfərin vəziyyəti ağır olaraq qaldığı halda, əyalət üzrə zəlzələ nəticəsində evlər və iş yerləri də daxil olmaqla ümumilikdə 4600 tikili zədələnib.
Hazırda 46 min ev və iş yerində su kəsilib, 8500 nəfər 206 təxliyyə məntəqəsində sığınacaqdadır.
Zəlzələnin episentri hesab edilən Uki və Hikava bölgələrində səyyar tualet və duş qurğuları quraşdırılıb.
Qubernatorluq tərəfindən edilən xəbərdarlıqda hava istiliyinin 38 dərəcə ətrafında olduğu və ola biləcək isti vurma riskinə qarşı tədbir görülməsi lazım olduğu bildirilib.
zəlzələ
Yaponiya Meteorologiya Agentliyinin (JMA) məlumatına görə, zəlzələ iyulun 28-də yerli vaxtla saat 16.27-də Uki və Hikava bölgələrində baş verib.
10 kilometr dərinlikdə qeydə alınan 7,1 bal gücündə zəlzələ ştatda yanğınlar, yol və körpülərin dağılması da daxil olmaqla geniş dağıntılara səbəb olub.
2016-cı ilin aprelində Kumamoto əyalətində baş vermiş 7 bal gücündə zəlzələdə 277 nəfər həyatını itirmişdi.
Dünyada zəlzələ riski ən yüksək olan ölkələrdən biri olan Yaponiya vulkanların və okean xəndəklərinin yerləşdiyi “Sakit Okean Atəş Halqası”nda yerləşir.
