Yəməndə İranın dəstəklədiyi Husilər (Ənsarullah Hərəkatı) Səudiyyə Ərəbistanının Yenbu və Cazan bölgələrində yerləşən milli neft şirkəti Aramco-nun obyektlərini raketlər və pilotsuz uçuş aparatları (PUA) ilə hədəfə aldıqlarını açıqlayıb.
Avropa.info-nun məlumata görə Husilərin hərbi sözçüsü Yəhya Seri ABŞ-da yerləşən şirkətin sosial media hesabında verdiyi açıqlamada belə deyib.
Seri, əvvəlcə Cazandakı Aramco obyektlərinin onlarla ballistik raket və PUA ilə vurulduğunu, daha sonra Yenbudakı obyektlərin ballistik və qanadlı raketlərlə yanaşı İHA-larla da hücuma məruz qaldığını ifadə edərək, “hədəflərin müvəffəqiyyətlə vurulduğunu” iddia edib.
Səudiyyə Ərəbistanına qarşı dəniz blokadasını davam etdirdiklərini bildirən Seri hücumların önümüzdəki saatlarda və günlərdə arta biləcəyini ifadə edib.
Sözügedən hücumlarla bağlı Səudiyyə Ərəbistanı tərəfindən hələlik rəsmi açıqlama verilməyib.
Nə oldu?
İranın dəstəklədiyi husilər iyulun 20-də Səudiyyə Ərəbistanına qarşı “dənizdə naviqasiya qadağası” olaraq xarakterizə etdikləri bir tətbiqə başladıqlarını və Ər-Riyadın Yəməndə nəzarəti altında olan bölgələrə mühasirəyə alındığını bəyan etdilər.
Husilər iyulun 22-də axşam saatlarında Qırmızı dənizdə Səudiyyə Ərəbistanına məxsus iki neft tankerini ballistik raketlər və pilotsuz uçuş aparatları ilə hədəf aldıqlarını və hücumlar nəticəsində gəmilərdə yanğın baş verdiyini iddia ediblər.
Yəməndə hökumət qüvvələri ilə husilər arasında vaxtaşırı toqquşmalar olsa da, 2022-ci ilin aprelindən nisbi sakitlik hökm sürür.
Husilər 2014-cü ilin sentyabrından paytaxt Sənanın, eləcə də ölkənin bəzi şəhər və əyalətlərinin nəzarəti altındadır.
