Tehranın “ağır zərbələr” xəbərdarlığından sonra ABŞ prezidenti Donald Tramp İrana qarşı sərt açıqlamalar verib və ölkəni tamamilə məhv etməklə hədələyib.
Avropa.info xəbər verir ki, Fox-un Trey Yingst-ə danışan ABŞ Prezidenti bildirib ki, Tehran onun tələblərini qəbul etməsə, ölkəni “partlatmağın” lazım olub-olmayacağı zaman məsələsidir.
Tramp bəyan edib ki, variantlar arasında İranı tamamilə silmək, iqtisadi çöküşə buraxmaq və ya müqavilə bağlamaq var.
Bu bəyanatlar Tehran administrasiyasının ABŞ və Yaxın Şərqdə səhvlərə yol veriləcəyi təqdirdə, onların “ağır zərbələr”lə hədəf alınacağı barədə xəbərdarlıq etməsindən sonra verilib.
Digər tərəfdən ABŞ Dövlət Departamenti bölgədəki amerikalılara təhlükəsizlik xəbərdarlığı edib.
