ABŞ-ın F-16 qırıcıları futbol üzrə dünya çempionatının final oyunu ərəfəsində Nyu-York və Nyu-Cersi ştatları üzərində tətbiq edilən müvəqqəti uçuş məhdudiyyətlərini pozan təyyarəni ələ keçirib.
Avropa.info xəbər verir ki, bu barədə Şimali Amerikanın Aerokosmik Müdafiə üzrə Birləşmiş Komandanlığı (NORAD) məlumat yayıb.
Vurğulanıb ki, insident iyulun 17-də ABŞ-ın şərq sahili vaxtı ilə saat 16:18-də baş verib. Ümumi aviasiyaya məxsus təyyarə müvəqqəti uçuş məhdudiyyətlərinin tətbiq olunduğu zonaya daxil olub. Bundan sonra F-16 qırıcıları onu təhlükəsiz şəkildə həmin ərazidən çıxarıb.
NORAD daha əvvəl bildirib ki, 19 iyulda Nyu-Cersi ştatında keçiriləcək futbol üzrə dünya çempionatının final oyunu ilə əlaqədar uçuş məhdudiyyətləri 17–19 iyul tarixlərini əhatə edəcək. Finalda Argentina və İspaniya milli komandaları üz-üzə gələcək.
