Oktyabrın 27-də İsraildə keçiriləcək seçki yarışında rəy sorğusunda rəqibindən geri qalan baş nazir Benyamin Netanyahu İranın nüvə proqramını yenidən başlatmasına icazə verməyəcəyini və HƏMAS silahlarını yerə qoymasa, bütün Qəzzənin işğal oluna biləcəyini bildirib.
Avropa.info xəbər verir ki, İsrailin baş naziri Netanyahu hökumətinə yaxın olan Kanal 14 televiziyasına müsahibəsində Qəzzadan Livana, İrandan Suriyaya və İordan çayının qərb sahilinə qədər bütün bölgə ilə bağlı sualları cavablandırıb.
İsrailin baş naziri Qəzza, Livan və Suriyadakı işlərinin hələ bitmədiyini və yeni təhlükələrlə üzləşdiklərini iddia edərək İranı hədəfə alıb.
İranın nüvə proqramından əl çəkmədiyini iddia edən Netanyahu, “Onları geri itələsək də, atom bombası istehsal etmək üçün nüvə proqramını yenidən başlatmağa qərarlıdırlar” dedi.
Netanyahu buna görə də İrandan gələn təhlükənin aradan qalxmadığını və baş nazir olduğu müddətdə İranın nüvə proqramını yenidən başlatmasına icazə verməyəcəyini müdafiə etdi.
Tehran administrasiyasının devriləcəyi ilə bağlı sualı cavablandıran Netanyahu İranın əvvəlkindən daha zəif və sarsıntılı olduğunu iddia edib.
“Lazım gəlsə, Qəzzanı bütünlüklə işğal edəcəyik”
HƏMAS Qəzzada silahı yerə qoymasa, nə olacaq sualına Netanyahu “Lazım gəlsə, bütün Qəzzanı işğal edəcəklər” cavabını verib.
Fələstin dövlətinin qurulmasına icazə vermədiyini və bundan sonra da etməyəcəyini müdafiə edən Netanyahu işğal altındakı İordan çayının qərb sahilində Fələstin torpaqlarını qəsb edən israillilərin hücumlarına da toxunub.
Fələstin torpaqlarını qəsb edən aqressiv israillilərin “az sayda gənc” olduğunu iddia edən Netanyahu, “Bir kəndə girmək istəyirsiniz? Siz girə bilməzsiniz. Bu sizin işiniz deyil. Orada ordu var, orada polis var, hökumət var” deyib. O, qəsbkarlığın İsrail dövləti tərəfindən həyata keçiriləcəyini bəyan edib.
Fələstin torpaqlarını qəsb edən israillilərin hücumlarının, daha çox Fələstin torpaqlarını ələ keçirərək qeyri-qanuni məskunlaşma fəaliyyətlərinə zərər verdiyini və dünya miqyasında nüfuzlarına xələl gətirdiyini iddia edən Netanyahu, beynəlxalq və İsrail mediasının işğal altındakı İordan çayının qərb sahilində kəskin şəkildə artan hücumları şişirtdiyini müdafiə etdi.
Netanyahu İngiltərədəki insanların sosial şəbəkələrdəki paylaşımlarına görə sorğu-sual edildiyini iddia edərək, London rəhbərliyini də hədəfə alıb.
İsrailin Baş naziri Netanyahunun Likud Partiyası oktyabrın 27-də keçiriləcək seçkilər öncəsi ictimai rəy sorğularına əsasən, keçmiş Baş Qərargah rəisi Qadi Eyzenkotun Yaşar Partiyasından geri qalıb.
İctimaiyyət tərəfindən Netanyahunun “qorxuya” söykənən seçki təbliğatı apardığı və ritorikasını sərtləşdirərək səs qazanmağa çalışdığı hesab edilir.
