Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin dəstəyi və maliyyə yardımı ilə 27.07.2025-ci ildə “Miqrant Uşaqlara Dəstək” İctimai Birliyinin növbəti təlimi keçirilib.
Avropa.info xəbər verir ki, təlimçi Gülyaz Əsgərova bu dəfə uşaqlara bədii əsərlərdən ibarət kitablar, azyaşlı uşaqlara isə rəngləmə kitabları paylayıb.
Təlimin məqsədi uşaqların boş vaxtlarını səmərəli keçirməsi, mütaliə vərdişlərini artırması və dil bilgilərini zənginləşdirmək olub. Uşaqlar təqdim olunan kitablarla maraqla tanış olublar. Hər biri seçdiyi hekayəni oxudu və daha sonra qrup halında müzakirə aparıblar.
Təlimin növbəti mərhələsində Gülyaz Əsgərova uşaqlara “İtmiş təbəssüm” adlı hekayəni oxuyub. O, əsərin mövzusu və ideyası haqqında ətraflı məlumat verib. Hekayə uşaqlarda dərin təəssürat yaratıb və onlar böyük həvəslə müzakirədə iştirak etib, maraqlı yanaşmalar irəli sürüblər.
Təlimçi uşaqlardan obrazların müsbət və mənfi xüsusiyyətlərini ayırd etməyi və fərdi yanaşmalarını bildirməyi xahiş edib.
Hüsna oxuduğu hekayədə müsbət obrazı təhlil edərək onun xarakterini bütün cizgiləri ilə izah edib.
Sədəf isə mənfi obraz üzərində dayanıb və orijinal fikirlər irəli sürüb.
Taha oxuduğu əsərdə mənfi obrazın daxili aləmini fərqli baxış bucağından göstərərək niyə belə davrandığını izah edib.
Bütün uşaqların fikirləri dinlənilib, onların yanaşmaları müzakirə edilib. Daha sonra azyaşlıların rəngləmə işlərinə baxıldı və qiymətləndirilib.
Təlim uşaqlar üçün həm öyrədici, həm də yaddaqalan olub.
