İsrail ordusunun Qusra qəsəbəsində 3 fələstinli evinə qarşı blokadası üç həftədir ki, davam edir.
Avropa.info -nun məlumatına görə Fələstin torpaqlarını işğal edən israillilərin işğal altındakı İordan çayının qərb sahilindəki Nablus Küsra qəsəbəsində 3 fələstinli ailənin evlərinə qarşı blokadası üçüncü həftədir ki, davam edir.
Qusra bələdiyyə sədri Əbdüləzim Vadi Fələstinin Səsi Radiosuna verdiyi açıqlamada işğalçı İsrail qüvvələrinin Qusranın Rəs əl-Ayn bölgəsinin blokadasını davam etdirdiyini bildirib.
İsraillilərin bölgəyə tətbiq etdiyi məhdudiyyətləri daha da gücləndirdiyini və qəsəbəyə gedən yolları bağladığını qeyd edən Vadi, bu vəziyyətin Fələstin xalqının bölgədəki çətinliklərini artırdığını və onların hərəkət azadlığını məhdudlaşdırdığını bildirib.
Vadi xəbərdarlıq edib ki, israillilər bələdiyyə şurasının şəhər torpaqları üzərində səlahiyyətlərini məhdudlaşdıraraq tədricən daha çox evin müsadirə edilməsinə yönəlmiş yeni təcrübə həyata keçirməyə çalışırlar.
İsrail ordusunun bir tərəfdən Fələstin xalqına qarşı təzyiqləri artıraraq onlara qarşı pozuntuları artırdığını, digər tərəfdən də Fələstin torpaqlarını qəsb edən israillilərə himayədarlıq etdiyini vurğulayan Vadi, bu tətbiqlərin xalqı öz torpaqlarını tərk etməyə məcbur etmək məqsədi daşıdığını bildirib.
Fələstin torpaqlarını qəsb edən israillilər, sakinləri qorxutmaq və onları tərk etməyə məcbur etmək və evləri zəbt etmək üçün avqustun 9-da Qusrada 3 fələstinli iqamətgahını mühasirəyə aldılar; Onlar fələstinlilərin öz bağlarında çadır qurduqları evlərə girib-çıxmasına, qida, su və elektrik enerjisinə çıxışına mane olublar.
İsrail ordusu avqustun 11-də ərazini “qapalı hərbi zona” elan edərək fələstinli Yusuf Həsənə məxsus evi ələ keçirərək “hərbi qərargah”a çevirib.
