Yanvarın 10-da Bütöv Azərbaycan Ocaqlarının (BAO) təşkilatçılığı və müxtəlif təşkilatların iştirakı ilə “İranda xalq üsyanı və Güney Azərbaycan” mövzusunda dəyirmi masa keçirilib.
Tədbirin sonunda aşağıdakı sənədlər qəbul olunub:
Bütöv Azərbaycan Ocaqlarının (BAO) təşkilatçılığı ilə “İranda xalq üsyanı və Güney Azərbaycan” mövzusunda keçirilmiş dəyirmi masanın
BƏYANATI
Məlum olduğu kimi, 10 gündən çoxdur ki, İranın bir çox bölgə və şəhərlərində sosial-iqtisadi problemlər, o cümlədən İran valyutasının ucuzlaşmasıyla bağlı başlayan tətil və etirazlar getdikcə daha geniş vüsət alaraq kütləvi xalq üsyanlarına çevrilməkdədir. İranın müxtəlif şəhərlərdəki etiraz dalğası getdikcə böyümüş, etirazçıların polis və başqa asayiş qüvvələri ilə toqquşmasına gətirib çıxarmışdır. Bəzi məlumatlara görə, yüzdən çox dinc sakin həlak olmuş, yüzlərlə insan yaralanmış və hüquq mühafizə orqanları tərəfindən saxlanmışdır.
Etiraz aksiyalarının ilk günlərində aksiyalara qoşulmayan Güney Azərbaycan şəhərlərinin əhalisi də son günlər etiraz aksiyalarına kütləvi şəkildə qoşulmağa başlamışdır. Bununla da ayrı-ayrı bölgələrdəki yerli narazılıq və tətillərin coğrafiyası getdikcə genişlənmmiş, müxtəlif xalqların yaşadığı müxtəlif bölgələri əhatə edən ümumxalq üsyanına çevrilmişdir. Təsadüfi deyil ki, Güney Azərbaycan Təşkilatlarının Əməkdaşlıq Şurasının xalq etirazlarının dəstəklənməsi və küçə etirazlarına çağırışla bağlı bəyanatı yayılmışdır.
Biz – bir-neçə təşkilatı təmsil edən tədbir iştirakçıları olaraq Güney Azərbaycan türklərinin sosial-iqtisadi və milli-mədəni haqlar uğrunda şovinist rejimə qarşı apardığı fədakar mübarizəni dəstəkləyir, İran rejiminin həyata keçirdiyi sərt repressiyaları pisləyir, bu rejimdən repressiyaların dərhal dayandırılmasını, İranda yaşayan bütün xalqların sosial-iqtisadi və milli-mədəni haqlarının təmin olunmasını tələb edirik.
10.01.2026-cı il tarixində Bütöv Azərbaycan Ocaqlarının (BAO) təşkilatçılığı ilə keçirilmiş dəyirmi masa iştirakçıları.
Bakı, 10.01.2026
***
Türkiyə Cümhuriyyətinin Prezidenti
Hörmətli Rəcəb Tayyib Ərdoğana
Bütöv Azərbaycan Ocaqlarının (BAO) təşkilatçılığı ilə “İranda xalq üsyanı və Güney Azərbaycan” mövzusunda keçirilmiş dəyirmi masa
iştirakçılarından
MÜRACİƏT
Hörmətli Prezident,
Məlum olduğu kimi 10 gündən çoxdur ki, İranın bir çox bölgə və şəhərlərində sosial-iqtisadi problemlər, o cümlədən İran valyutasının ucuzlaşmasıyla bağlı başlayan tətil və etirazlar getdikcə daha geniş vüsət alaraq kütləvi xalq üsyanlarına çevrilməkdədir. İranın müxtəlif şəhərlərindəki etiraz dalğası getdikcə böyümüş, etirazçıların polis və başqa asayiş qüvvələri ilə toqquşmasına gətirib çıxarmışdır. Bəzi məlumatlara görə, yüzdən çox dinc sakin həlak olmuş, yüzlərlə insan yaralanmış və hüquq mühafizə orqanları tərəfindən saxlanmışdır. Etiraz aksiyalarının ilk günlərində aksiyalara qoşulmayan Güney Azərbaycan şəhərlərinin əhalisi də son günlər etiraz aksiyalarına kütləvi şəkildə qoşulmağa başlamışdır. Bununla da ayrı-ayrı bölgələrdəki yerli narazılıq və tətillərin coğrafiyası getdikcə genişlənmmiş, müxtəlif xalqların yaşadığı müxtəlif bölgələri əhatə edən ümumxalq üsyanına çevrilmişdir. Təsadüfi deyil ki, Güney Azərbaycan Təşkilatlarının Əməkdaşlıq Şurasının xalq etirazlarının dəstəklənməsi və küçə etirazlarına çağırışla bağlı bəyanatı yayılmışdır. Biz, tədbir iştirakçıları olaraq Güney Azərbaycan türklərinin sosial-iqtisadi və milli-mədəni haqlarının təmin olunması üçün həmin çağırışı dəstəkləyirik.
Hörmətli Prezident,
Biz – bir-neçə təşkilatı təmsil edən tədbir iştirakçıları olaraq böyük və güclü bir Türk dövlətinin prezidenti kimi Sizdən xahiş edirik ki, İranda baş verən məlum hadisələr fonunda Güney Azərbaycan türklərinin sosial-iqtisadi və milli-mədəni haqlarının təmin olunması və lazım gələrsə onların təhlükəsizliyinin qorunması üçün beynəlxalq hüquq normalarına uyğun olaraq Türkiyə Cümhuriyyətinin mövcud imkanlarından istifadə olunmasına şərait yaradasınız.
10.01.2026-cı il tarixində BütövAzərbaycan Ocaqlarının (BAO) təşkilatçılığı ilə keçirilmiş dəyirmi masa iştirakçıları.
Bakı, 10.01.2026
