“Prezident İlham Əliyevin Bakı Şəhər İcra Hakimiyyətinin strukturunun təkmilləşdirilməsi ilə bağlı imzaladığı fərman idarəetmədə çevikliyi artıra biləcək institusional addımdır; lakin bu qərar nə paytaxtın əzəli infrastruktur problemlərinin birbaşa həlli deməkdir, nə də Bakı Böyük Şəhər Bələdiyyəsinin yaradılmasına bir siqnaldır”.
Avropa.info xəbər verir ki, bu barədə paytaxtın idarəetmə sistemində gözlənilən yenilikləri, struktur dəyişikliklərinin real miqyasını və şəhər təsərrüfatındakı mövcud durumu Sosdem.az-a şərh edərkən Milli Cəbhə Partiyasının (MCP) başqanı, deputat Razi Nurullayev bildirib.
“Bu Fərman Yağış və Qar Zamanı Üzə Çıxan Problemlərin Birbaşa Həlli Deyil”
Millət vəkili qeyd edib ki, imzalanan sənəd idarəetmədə müəyyən müsbət dəyişikliklərə yol açsa da, onun praktiki fəsadları dərhal hiss olunmayacaq:
“İdarəetmədə çevikliyin artırılması, funksiyaların daha aydın bölüşdürülməsi və məsuliyyət mexanizmlərinin gücləndirilməsi baxımından bu kimi addımlar əhəmiyyətlidir. Lakin bu fərman birbaşa Bakı şəhərində uzun illər formalaşmış problemlərlə, o cümlədən yağış və qar zamanı üzə çıxan infrastruktur çatışmazlıqları ilə bağlı deyil. Bu, daha çox idarəetmənin optimallaşdırılması istiqamətində atılmış institusional addımdır”.
“Bakı Böyük Şəhər Bələdiyyəsinin Yaradılması Gündəmdə Deyil”
Deputat fərmanın ictimaiyyətdə fərqli yozulması məqamlarına və bələdiyyə modelinə toxunaraq, bu yanaşmaların əsassız olduğunu vurğulayıb:
“Bu fərmanı Bakı Böyük Şəhər Bələdiyyəsinin yaradılması ilə əlaqələndirmək düzgün olmazdı. Məncə, hazırkı mərhələdə belə bir modelin tətbiqi gündəmdə deyil və fərman da bu istiqamətdə hər hansı siqnal vermir. Ümumilikdə, struktur islahatları vacibdir, lakin real nəticələrin əldə olunması üçün paralel olaraq şəhər təsərrüfatı, infrastruktur və kommunal xidmətlər sahəsində daha dərin və sistemli addımların atılması zəruridir”.
“Gecikmiş Addımdır, Nəticəsini Uzun İllər Gözləməli Olacağıq”
MCP lideri paytaxtın idarə edilməsindəki ümumi islahat tempini qiymətləndirərək real mənzərəni diqqətə çatdırıb:
“Gecikmiş də olsa müəyyən addımlar atılır, amma bunun real nəticəsini uzun illər gözləməli olacağıq. Şəhər təsərrüfatının real inkişafı üçün təkcə kağız üzərində struktur dəyişikliyi kifayət deyil, sistemli yanaşma və köklü infrastruktur layihələri paralel aparılmalıdır
