Avropa.info xəbər verir ki, BƏƏ Xarici İşlər Nazirliyindən  verilən yazılı açıqlamaya görə  , BƏƏ və İordaniya, Fransa, Almaniya, İtaliya və İspaniyadan  olan 7 təyyarənin iştirakı ilə Qəzzaya humanitar yardım aparıb .

Bu çərçivədə BƏƏ xarici işlər naziri Abdullah bin Zayed iordaniyalı həmkarı Ayman Al Safadi ilə Qəzzadakı son hadisələri və yardım səylərində birgə koordinasiyanın gücləndirilməsi yollarını müzakirə etmək üçün telefon danışığı keçirib.

İsrail ordusu  ötən cümə günündən etibarən  xarici ölkələrin Qəzza zolağına  havadan yardım göndərməsinə icazə verəcəyini açıqlayıb .

İsrailin aclıq saldığı Qəzza zolağına havadan paraşütlə atılan yardımın daha əvvəl dinc əhalinin üzərinə düşməsi və itkilərə səbəb olduğu müşahidə edilib.

Təyyarələrdən atılan yardımların bir hissəsinin dənizə düşməsi aclıqdan əziyyət çəkən mülki əhalinin çimərliklərə və dənizlərə axın etməsinə səbəb olub, yardımın paraşütlə atılması üsulu tənqid edilib.

İsrailin son günlər Qəzza zolağına buraxdığı məhdud hava dəstəyi fələstinlilər tərəfindən “alçaldılma, göz yumma  və teatr” kimi qiymətləndirilib  .

Qəzza aclıq böhranı ilə üz-üzədir

İsrailin hücumu və humanitar yardımların daxil olmasını məhdudlaşdıran sıx mühasirə altında olan Qəzza zolağı geniş aclıq və su, dərman, tibbi ləvazimat və gigiyena materiallarının çatışmazlığı ilə humanitar fəlakət yaşayır.

Qəzza zolağında aclıqdan, xüsusən də uşaqlar arasında ölüm halları artır.

2023-cü il oktyabrın 7-dən İsrailin aclıq saldığı Qəzza zolağında 92-si uşaq olmaqla 162 nəfər aclıqdan ölüb.

Yerli və beynəlxalq dairələr bildirirlər ki, İsrail “aclıq və susuzluqdan silah kimi” istifadə edir.