Azərbaycanın bəzi bölgələrində cəmiyyətdə öz mövqeyi olmayan, nankor, yaxşını-pisdən ayıra bilməyənlər üçün belə bir məsəl çəkirlər: “öz gözündə tiri seçmir, başqasının gözündə tük axtarır.” Başqa bir misal da var: “it arabanın kölgəsində yatır, elə bilir ki, yeri həmişə sərindi.” Düşünmür ki, arabanı öküzə qoşub aparsalar, qalacaq günün altında.
Keçək əsas məsələyə. Bəzi üzdəniraqlar sanki bir-birinin ağzına tüpürmüş kimi düşüblər Milli Məclisin ən aktiv deputatlarından – 125 nəfərdən biri olan Razi Nurullayevin üstünə. Guya İmişlidə mal bazarı var, hardasa yəqin biznesi də var və s. Onların nəzərinə çatdırmaq istəyirəm ki, 11 ildir ki, MCP-nin başqanı Razi Nurullayevlə birlikdəyik. Razi bəy siyasətçidir, bu günə qədər hansı səviyyəyə, cəmiyyətdə tutduğu mövqeyə yalnız öz bilik və bacarığının, gərgin mübarizəsinin sayəsində gəlib çıxıb.
Deputatı söymək, aşağılamaq, barəsində haqsız yazmaq, yaxud artıq-əskik danışmaq sağalmaz bir xəstəlik kimi qanımıza hopub. Amma gəlin kimisə söyməkdən, kiməsə şər-böhtan xarakterli, odlu-alovlu cümlələr işlətməmişdən əvvəl vicdanımızın (əgər varsa) səsinə qulaq asaq.
Deputat haqqında nəsə yazmaqdan, onun həyat və fəaliyyətinə baş vurmaqdan əvvəl deputatın səlahiyyətlərini bilmək çox vacibdir. Milli Məclis qanunları qəbul edən ən ali orqandır, deputat isə hər hansı bir qanunun qəbul olunmasında səs vermək, yaxud səs verməmək hüququ olan bir şəxsdir. Ən azı deputat da hər birimiz kimi cəmiyyətin bir üzvüdür.
Avropa.info xəbər verir ki, bu sözləri milli Cəbhə Partiyasınin Abşeron Təşkilatının sədri, Qarabağ qazisi, yazar Arif Qafarov deyib.
Arif Qafarov əlavə olaraq bunları deyib ,bu gün deputatları arasında elələri var ki, gizli biznesi də var, sərvəti də. Hətta yaxın keçmişdə elə deputatımız olub ki, harınlığından Milli Məclisin iclaslarına da qarışmayıb. Onların kimliyi hər birimizə bəllidir. “Yalan ayaq açar, amma yeriməz” deyib adamlar. Kimliyindən, dinindən, cinsindən, cəmiyyətdə tutduğu mövqeyindən asılı olmayaraq hər kəsə nahaq söz, şər-böhtan çox pis təsir etdiyi hamımıza məlumdur.
Milli Məclisin deputatı Razi Nurullayev siyasi partiya çaşqanı kimi daim öz rayonunun akinləri arasında olub, rayonun, ayrı-ayrı şəxslərin problemlərini görüb, gücü çatan qədər köməklik göstərib.
Yaxşı yaımdadır, Razi Nurullayev ilk dəfə İmişli rayonundan namizədliyini irəli sürəndə cammat arasında belə bir cümlə işlətmişdi: “Mənə etimad göstərib seçsəniz, sizin səsinizi, problemlərinizi ali tribunadan aidiyyatı qurumlara çatdırmağa söz verirəm.”
Bəli, bu gün Razi Nurullayev nəinki seçildiyi dairənin seçicilərini, eləcə də böyük bir rayonu Milli Məclisdə layiqincə təmsil edir. Onun fəaliyyətinə yaxından bələd olan çoösaylı insanların dilindən, yazdığı kiçik yazılarından eşitdiyimiz, oxuduğumuz “kaş bizim də deputatımı Razi Nurullayev kimi olardı” kimi xoş sözlər hər birimizi sevindirir.
Bir neçə ay əvvəl sosial şəbəkələrdə ərəb ölkələrinin birində Razi Nurullayevin qardaşı öz oğluna toy etməsi də bəzi “ağzıgöyçəklər”in dilinə düşmüşdü. Həmi vaxt Razi Nurullayev sosial şəbəkələrdə onun barəsində yayılan söz-söhbətlərə, şər-böhtan xarakterli ittihamlara mərdi-mərdanə aydınlıq gətirdi.
İndi yenə də bir neçə trol kimlərinsə sifarişi ilə yağışdan sonra əmələ gələn göbələk kimi peyda olublar. Hər birisinə rəhmətlik dahi şairimiz Səməd Vurğunun məşhur şeirindən bir misranı xatırlatmaqla fikrimi tamamlayıram: “Ağılsız köpəklər ulduza hürər.”
Avropa.info
