Avropa.info xəbər verir ki, Bunu Sosdem.az-a Rusiya prezidenti Vladimir Putinin “Əgər Ermənistan hesab edirsə ki, Rusiya hərbi bazasına ehtiyacı yoxdur, biz hətta sabah da gedərik. Amma Ermənistan buna hazırdırmı?” fikrini şərh edərkən Milli Cəbhə Partiyasının (MCP) başqan müavini, politoloq Tural İrfan deyib.

“Putin İrəvanı Təhlükəsizlik Riskli Siyasi-Retorik Tələyə Salır”

Ekspert Kremllə İrəvan arasındakı bəyanat müharibəsinin pərdəarxası məqamlarını diqqətə çatdırıb:

“Çünki bu, İrəvanı təhlükəsizlik riskləri barədə düşünməyə məcbur edən siyasi-retorik tələyə daha çox bənzəyir. Putin ‘Ermənistan hazırdırmı?’ sualını verməklə Rusiya özünü zorla heç kəsə qəbul etdirməyən müttəfiq kimi göstərmək istəyir. Əgər Ermənistan rəhbərliyi real olaraq bazanın çıxarılmasını tələb etsə, Moskva bu vəziyyətdən Qərbə və ya digər qüvvələrə qarşı ‘biz gedirdik, özləri istəmədi’ arqumenti ilə istifadə edə bilər”.

“Moskva Asanlıqla Əl Çəkməz”

MCP rəsmisi 102-ci hərbi bazanın hüquqi və strateji statusunu qiymətləndirib:

“Ekspert Rusiyanın hərbi bazanı asanlıqla Ermənistandan çıxarmasının indiki halda o qədər də asan görünmədiyini bildirib. Çünki Gümrüdəki 102-ci hərbi baza Rusiyanın Cənubi Qafqazdakı hərbi-siyasi mövcudluğunun və təsir rıçağının əsas sütunlarından biridir. Moskva bu platsdarmdan asanlıqla əl çəkmək istəməz. Üstəlik də iki ölkə arasında 1995-ci ildə imzalanmış və sonradan 2044-cü ilə qədər uzadılmış rəsmi müqavilə var. Rusiya rəsmiləri daha əvvəl də bildiriblər ki, Ermənistan tərəfindən Gümrü bazasının ləğvi ilə bağlı onlara heç bir rəsmi və qəti dövlət siqnalı daxil olmayıb”.

“İrəvan Rusiyadan Tam İmtina Etməyə Çalışarsa…”

Şərhçi Moskvanın İrəvana yönəlik təzyiq və xəbərdarlıq mexanizmlərinə diqqət çəkib:

“Putin bu açıqlama ilə topu Ermənistan tərəfinə atır. Rusiya bazanı birdən-birə və heç bir geosiyasi ticarət, yaxud təzyiq olmadan tərk etməyəcək, lakin Ermənistan Qərblə yaxınlaşma və Rusiya təsirindən tam imtina xəttini sərtləşdirməyə davam edərsə, bu məsələ real böhran müstəvisinə keçə bilər. Putinin bu bəyanatını İrəvana sətiraltı təhdid kimi də qiymətləndirmək olar. Yəni Ermənistanı bu bazaya ehtiyaclı duruma salmağa özündə güc, təsir rıçaqlarının olduğuna inanır”.