Rusiya Federasiyasının prezidenti bildirib ki, internetdə çoxlu saxta məlumatlar yayılır.
Avropa.info xəbər verir ki, Rusiya prezidenti Vladimir Putin avqustun 29-da Moskva Dövlət Pedaqoji Universitetində olarkən bildirib ki, internetdə çoxlu informasiya zibilləri və etibarsız məlumatlar var.
“Bu nəhəng informasiya sahəsini dərk etmək müəllimin vəzifəsidir. Gəncə vacib olanı tapmağa kömək etmək, buğdanı samandan ayırmaq – vacib olan budur. Siz də, mən də yaxşı bilirik ki, təəssüflər olsun ki, internetdə çoxlu informasiya zibilliyi, etibarsız şeylər çoxdur”, – prezident müəllimlərlə görüşündə qeyd edib.
Vladimir Putin həmçinin bildirib ki, məktəblər müasir dərs vəsaitləri ilə təchiz olunacaq, lakin onlar heç vaxt müəllimin canlı sözünü əvəz etməyəcək. Dövlət başçısı vurğulayıb ki, təlim-tərbiyə prosesində mentorun rolu əsas olaraq qalır.
Tədbir Bilik Gününə həsr olunub. Görüş zamanı Putin müəllimlər və olimpiada qalibləri ilə də danışıb.
Qeyd edək ki, fevral ayında Vladimir Putin fərman imzalayıb və o, hökumətə rusiyalıların rəqəmsal savadlılığının artırılması, o cümlədən süni intellekt bacarıqları üzrə təlimlərin keçirilməsi ilə bağlı tədbirlərin hazırlanmasını tapşırıb.
