PKK-nın ləğv və tərkisilah prosesində ən mühüm addım iyulun 11-də təşkilatın ilk dəfə terror təşkilatının simvolik mərasimlə silahlarını yerə qoyması ilə atıldı.
Avropa.info-nun məlumatına görə, mərasim İraqın Kürdüstan Regional Rəhbərliyinin Süleymaniyyə şəhərindən 50 kilometr qərbdə yerləşən Casene mağarasında keçirilib. Bu mağara bölgədə əhəmiyyətli turizmi məkanı kimi tanınır.
Ancaq bir çox tarixi şəxsiyyətlərə və hadisələrə ev sahibliyi edən mağara həm də simvolik əhəmiyyətə malikdir.
Birinci Dünya Müharibəsindən sonra bölgədə İngiltərə işğalına qarşı üsyan qaldıran Şeyx Mahmud Hafid Bərzənci bu mağaradan uzun illər sığınacaq kimi istifadə edib. Özünü bölgənin “kralı” elan edən Bərzənci 1923-cü ilin fevralında şəhərin bombardmanı zamanı mağaraya sığınıb.
Şeyx Mahmud Bərzənci
Bərzəncinin orada gizləndiyi müddətdə mağara silahlı üsyan təşkil etmək səyləri üçün mərkəzə çevrilmişdi. Bərzəncinin Süleymaniyyədən qaçarkən özü ilə gətirdiyi mətbəədə “Bənqi Haq” (Həqiqətin səsi) adlı qəzet də çap olunub.
Yaxın Şərq üzrə ekspertlər PKK-nın tərkisilahı üçün bu mağaranın seçilməsinin simvolik dəyəri olduğu qənaətindədirlər. Bu ilk növbədə terror üçün uzun illər PKK-nın sığınacaqlarından birinə çevrilmiş mağaranın sülh şəraitində önəmli turizm bölgəsinə çevrilə biləcəyi mesajıdır.
Surdaş məhəlləsindəki Kani Han kəndinin kənarında, Süleymaniyyədən Dukana gedən yolun üzərində yerləşən bu mağara son illərdə Türkiyə ordusunun PKK-ya qarşı əməliyyatları nəticəsində terrordan azad edilmişdi. Mağara son illər piknik etmək istəyən yerli sakinlər üçün məşhur məkana çevrilib.
Hündür dağlar arasında yerləşdiyi və şəlalələrlə əhatə olunduğu üçün turizm saytlarında da tez-tez tövsiyə olunur. Mağarada işıqlandırma və təmizlik də daxil olmaqla turistik xidmətlər təklif edilir. Yerli ekspertlər PKK-nın tamamilə tərkisilahından sonra mağaranın önəmli turist məkanına çevirilə biləcəyini söyləyirlər.
Avropa.info Analitik Qrupu
