Avropa.info-nun məlumatına görə İsrailin  hücumunda həyatını itirən generallar arasında Qaaninin də olduğu iddiaları davam edərkən , İranın rəsmi  xəbər agentliyi İRNA  Qaaninin 12 gündə ilk dəfə paytaxt Tehranda göründüyünü bildirib.

Xəbərdə Qaaninin İsraillə atəşkəsdən sonra Tehranın İnqilab meydanında keçirilən “qələbə şənliklərinə” qatıldığını əks etdirən görüntülər paylaşılıb.

Görüntülərdə Kaani mühafizəçiləri ilə meydanda vətəndaşlarla söhbət edərkən görüntülənib.

İRNA həmin görüntüləri qeydlə paylaşıb: “İsrailin 12 günlük təcavüzündən sonra general Qaaninin ilk görüntüləri”.

Amerikanın “The  New York Times” qəzeti  iyunun 13-də “adı açıqlanmayan İran mənbələrinə” əsaslanan xəbərdə  Qüds qüvvələrinin komandanı general-mayor Qaaninin İsrailin İrana hücumları nəticəsində öldürüldüyünü  iddia edib .

İran və İsrail arasında təxminən iki həftədir davam edən qarşılıqlı hücumların ardınca atəşkəs xəbərinin ardınca böyük qruplar qələbələrini qeyd etmək üçün paytaxt Tehranda İnqilab meydanına toplaşıblar.