Qəzza zolağının mərkəzi hissəsindəki Deyr əl-Belah şəhərində məcburi köçkün fələstinlilərin sığındığı çadıra İsrail ordusunun təşkil etdiyi hücumda 1 nəfər ölüb, 2 nəfər yaralanıb.
10 oktyabr 2025-ci ildə əldə olunan atəşkəsə və ABŞ prezidenti Donald Trampın Təl-Əvivdən hücumların dayandırılması tələbinə baxmayaraq, İsrail ordusu Qəzza zolağına hücumu davam etdirir.
Avropa.info xəbər verir ki, yerli qaynaqlardan alınan məlumata görə, İsrail ordusuna məxsus pilotsuz uçuş aparatı (PUA) Deyr əl-Belah şəhərindəki düşərgədə köçkünlərin sığındığı çadırı bombalayıb.Hücumda 27 yaşlı Məhəmməd Əbdünnəsir Əbu Əsəd həyatını itirib, biri ağır olmaqla 2 nəfər yaralanıb.Xan Yunusdakı çadırlarda da atəş açılıb
Bildirilib ki, İsrail ordusunun zirehli texnikası Qəzza zolağının cənubundakı Xan Yunis şəhərində məcburi köçkün fələstinlilərin çadırlarını atəşə tutub.Hücum zamanı xəsarət alan olmadığı bildirilib.İsrailin dünənki hücumundan sağ çıxan bir fələstinli ölüb.
Digər tərəfdən, səhiyyə mənbələri dünən Xan Yunusda köçkünlərin qaldığı çadırlara edilən hava hücumunda yaralanan bir fələstinlinin öldüyünü bildirib.Dünən İsrail ordusuna məxsus pilotsuz uçuş aparatı (PUA) Qəzza zolağının cənubundakı Xan Yunus şəhərində köçkünlərin yerləşdiyi Əl-Luham düşərgəsindəki çadırı bombalayıb. İlkin məlumata görə, hücumda 7 nəfərin yaralandığı açıqlanıb.İsrail ordusunun dünən gün ərzində Qəzza zolağının müxtəlif bölgələrində həyata keçirdiyi hücumlarda biri 4 yaşlı uşaq olmaqla 2 nəfər həyatını itirib.
İsrailin hücumlarında can itkisi 73 min 422-yə yüksəldiSəhiyyə Nazirliyindən Qəzzada edilən yazılı açıqlamada, İsrailin Qəzzaya təşkil etdiyi hücumlarda ölənlərlə bağlı son məlumatlar paylaşılıb.Qəzzada son 24 saatda 2 ölü, 32 yaralının xəstəxanalara çatdırıldığı qeyd edilib.Bildirilib ki, Qəzzada atəşkəsin qüvvəyə mindiyi 10 oktyabr 2025-ci ildən indiyədək 1288 nəfər həyatını itirib, İsrailin hücumları nəticəsində 4 min 290 nəfər yaralanıb, dağıntılar altından 813 nəfərin cəsədi çıxarılıb.
2023-cü ilin oktyabr ayından etibarən İsrailin Qəzza zolağına təşkil etdiyi hücumlarda can itkisinin 73 min 422, yaralı sayının isə 174 min 401-ə yüksəldiyi bildirilib.
Qəzza zolağında dağıntılar altında hələ də minlərlə cəsədin olduğu bildirilir.Qəzzada hökumət: İsrail 315 gündə 4 min 379 dəfə atəşkəsi pozduQəzzadakı hökumət media ofisi 10 oktyabr 2025-ci ildə atəşkəsin qüvvəyə minməsindən sonra İsrailin törətdiyi pozuntularla bağlı hesabat dərc edib.
Məlumata görə, İsrail atəşkəs razılaşmasının qüvvəyə mindiyi 315 gün ərzində razılaşmanı 4 min 379 dəfə pozub. Sözügedən dövrdə İsrailin hücumlarında 1286 fələstinli həyatını itirib, 4 min 257 fələstinli yaralanıb, 180 nəfər isə nəzarətə götürülüb.İsrailin hücumlarından sonra hələ də 8 mindən çox insanın dağıntılar altında qaldığı Qəzzada bu müddət ərzində dağıntılar altından 813 cəsəd çıxarılıb.Qəzzaya çatan yardımın həcmi isə yüzdə 35 olaraq qalıbHesabatda atəşkəs çərçivəsində Qəzzaya daxil olacaq humanitar yardımla bağlı məlumatlar da paylaşılıb.Bu məlumatlara görə, atəşkəsin 315-ci gününə qədər Qəzzaya daxil olması planlaşdırılan 189 min yardım maşınının yalnız 66 min 607-si bölgəyə daxil olub.
Bildirilib ki, bu rəqəm planlaşdırılan yardım daxilolmalarının 35 faizinə uyğundur.Qəzzadan Rəfah Sərhəd Qapısı vasitəsilə planlaşdırılan gedişlərlə bağlı da oxşar mənzərə ortaya çıxdı.Qeyd edilib ki, razılaşma çərçivəsində Qəzzanı tərk etməsi gözlənilən 29 min 800 nəfərdən yalnız 11 min 759 nəfərinin çıxmasına icazə verilib ki, bu da yüzdə 39 nisbətinə bərabərdir.Hökumətin media ofisi Qəzzada humanitar vəziyyətin hər gün pisləşməsinə görə İsraili günahlandırıb və atəşkəsin vasitəçiləri və qarantlarını İsrailin müqavilədəki bütün öhdəliklərini yerinə yetirməsini təmin etməyə və davam edən pozuntulara son qoymağa çağırıb.Atəşkəsin ikinci mərhələsi üçün yol xəritəsi açıqlanıbQəzza Sülh Şurasının Ali Nümayəndəsi Nikolay Mladenov HƏMAS-ın atəşkəs razılaşmasının ikinci mərhələsinin həyata keçirilməsi üçün ətraflı yol xəritəsini qəbul etdiyini açıqlayıb.ABŞ prezidenti Donald Tramp da Sülh Şurasının Qəzzadakı HƏMAS və digər silahlı qruplarla silahı yerə qoyması barədə razılığa gəldiyini açıqlayıb.HƏMAS Fələstin qrupları ilə danışıqlar prosesi və vasitəçilərin ikinci mərhələnin tamamlanması üçün təklif etdiyi təkliflərin müsbət olduğunu bildirmişdi. HƏMAS vurğulamışdı ki, İsrailin hücumlarını dayandırması və razılaşdırılmış məsələlər üçün vaxt cədvəli yaratması vacibdir və ikinci mərhələnin həyata keçirilməsi İsrailin birinci mərhələdə öz öhdəliklərini tam yerinə yetirməsindən asılıdır.Qəzza Administrasiyası üzrə Milli Komitə də Qəzza zolağının idarəçiliyini ələ keçirmək üçün institusional və əməliyyat hazırlıqlarını tamamladığını açıqlayıb.İsrailin baş naziri Benyamin Netanyahu Qəzzada atəşkəsin ikinci mərhələsinin həyata keçirilməsi ilə bağlı Sülh Şurasının açıqladığı 15 maddəlik planı rədd etdiklərini açıqlayıb.Qəzza zolağında atəşkəs razılaşmasının birinci mərhələsi 2025-ci il oktyabrın 10-da qüvvəyə minib. Atəşkəs, əsir mübadiləsi və humanitar yardımların artırılmasını nəzərdə tutan razılaşmaya baxmayaraq, İsrailin hücumları və yardımların ölkəyə girişinə məhdudiyyətlər davam edir.
