Rusiya Müdafiə Nazirliyi Ukraynada ordu üçün istifadə edilən limanları, gəmiləri və logistika mərkəzlərini vurduqlarını bildirib.
Avropa.info xəbər verir ki, Nazirlikdən verilən açıqlamada Rusiya ordusunun Ukraynadakı fəaliyyəti ilə bağlı məlumat verilib.
Açıqlamada Odessa limanında hərbi yük daşıyan gəminin hədəf alındığı, Yujnı limanında 3 yanacaq çəni, 4 hərbi anbar və hərbi məqsədlər üçün istifadə edilən infrastruktur obyektlərinin vurulduğu bildirilib.
Açıqlamada Odessa şəhəri yaxınlığında silah və sursatların saxlanması üçün istifadə edilən iki logistik mərkəzin də hədəf alındığı, hücumda yüksək dəqiqliyə malik silahlar və pilotsuz uçuş aparatlarından (PUA) istifadə edildiyi bildirilib.
