İsrail əsgərləri Qüds Universitetinin buraxılış mərasiminin qarşısını alıb və 4 nəfəri saxlayıb.
Avropa.info xəbər verir ki, Qüds Qubernatorluğundan verilən yazılı açıqlamaya görə, İsrail qüvvələri Məscidül-Əqsa yaxınlığında Məmlüklər dövrünə aid tarixi bina olan Tənkəz xana basqın edərək Qüds Universiteti tələbələrinin buraxılış mərasiminin qarşısını alıb.
İsrail əsgərləri Qüds Universitetinin Qüds Araşdırmaları Mərkəzinin direktoru və Qüds Turizm Assosiasiyasının rəhbəri də daxil olmaqla 4 nəfəri saxlayıb.
Digər tərəfdən Fələstin torpaqlarını qəsb edən israillilər işğal altındakı İordan çayının qərb sahilində Hebron və Sincil qəsəbələrinə hücum edib.
Hebronun cənubundakı Thammu qəsəbəsinə edilən hücumda 3 fələstinli israillilərin atdığı qaz bombasından təsirlənərək boğulma təhlükəsi ilə üzləşib.
Sincildə israillilər fələstinliyə məxsus avtomobilə hücum edib.
