Atəşkəsə baxmayaraq, İsrail ordusu Livanın cənubuna qarşı hava hücumları, artilleriya atəşi və qurudan sızma cəhdlərini gücləndirib.
Avropa.info xəbər verir ki, Livanın rəsmi xəbər agentliyi NNA-da yer alan xəbərə görə, İsrail döyüş təyyarələri Sur şəhərinin cənubundakı Əl-Mənsuri qəsəbəsinə bir sıra hava zərbələri endirib.
Nəbatiyə şəhərində Nabatiye əl-Fevka qəsəbəsi ilə Devhat Kefr Rumman bölgəsinin sərhədləri İsrailin güclü artilleriya atəşinə məruz qalıb.
İsrail döyüş təyyarələri də həmin şəhərin Zevtar əş-Şərqiyyə qəsəbəsi ətrafında hava hücumu həyata keçirib.
İsrail ordusu Livanın cənubuna hava və artilleriya zərbələrini davam etdirir
İsrail artilleriyasının şəhəri bombalaması ilə eyni vaxtda Sur şəhərinin Əl-Mənsuri qəsəbəsinə aviazərbələr endirilib.
Bu arada İsrail hərbi maşınlarının şəhərə doğru partlayıcı yüklü kanistrlər daşıdığı görülüb.
NNA İsrailin Merkava tankı və “D9” tipli dozerinin Əl-Mənsuri şəhərinə doğru irəlilədiyini bildirib.
Bundan əlavə, İsrailin pilotsuz uçuş aparatı (PUA) Əl-Əzziyə – Əl-Mənsuri yoluna iki səs-küylü qumbara atıb.
İsrail qüvvələri Muşaa rayonunun şərq və dördüncü məhəllələrində, Əl-Mənsuri və Məcdəl Zun qəsəbələri arasında yerləşən evləri və infrastrukturu bombalayıb.
İsrail ordusu Livanın cənubunda müxtəlif bölgələrə hücum və basqınlar həyata keçirib
Hücumlarda yüksək dağıdıcı gücə malik partlayıcı maddələr olan çəlləklərdən istifadə edilib.
Merciyyun şəhərində İsrail qüvvələri ölkənin cənubunda alçaq hündürlükdə döyüş təyyarələrinin intensiv və davamlı uçuşları ilə Hula qəsəbəsini eyni vaxtda hədəfə alıb.
Bint Jubeil şəhərində İsrail döyüş təyyarələri Seluki vadisinə hava hücumu həyata keçirib.
Hasiyə şəhərində bir İsrail bölməsi Halta fermasına doğru irəliləyərək bir çox evi mühasirəyə alıb. İsrail əsgərləri bəzi sakinlərin evlərini tərk etməsinə icazə verməyib.
İsrailin martın 2-dən bəri Livana hücumları nəticəsində 4 mindən çox insan ölüb, 12 mindən çox insan yaralanıb, 1 milyondan çox insan didərgin düşüb.
İsrail 2023-2024-cü illərdə həyata keçirdiyi hücumlardan sonra Livanın cənubundakı bəzi bölgələri onilliklər, bəzilərini isə işğal etdiyi halda, indiki hücumları ilə Livandakı işğal ərazisini genişləndirib.
