İşğalçı İsrail əsgərləri işğal altındakı İordan çayının qərb sahilindəki Beytlehem şəhərində məscidə səs-küylü qumbara atıblar.
Avropa.info xəbər verir ki, Fələstinin səsi radiosunun məlumatına görə, İsrail əsgərləri Beytlehemin cənubundakı Beyt Fekkar qəsəbəsinə basqın zamanı məsciddə namaz qılanlara səs-küylü qumbara atıblar.
Fələstinin səsi radiosunun sosial media hesablarında məscid xalçasındakı səs bombasını əks etdirən fotolar paylaşılıb.
İşğal altındakı İordan çayının qərb sahilinin şimalındakı Nablus vilayətinin Madma kəndindəki məsciddə namaz qılan fələstinlilər də İsrail ordusunun qaz bombası atması nəticəsində boğulma təhlükəsi ilə üzləşib.
Fələstin torpaqlarını qəsb edən israillilər səhər saatlarında İordan çayının qərb sahilindəki Nablusun Bizarya qəsəbəsindəki Nurəddin Zengi məscidini yandırmağa cəhd edib və bölgədəki divarlara irqçi ifadələr yazıblar.
Fələstin torpaqlarını qəsb edən israillilər Bizarya qəsəbəsindəki Nurəddin Zengi məscidinin qapılarını sındıra bilməyəndə məscidin düz yanında yerləşən fələstinlilərə məxsus evin otağını yandırıblar.
Radikal israillilər iyulun 26-da Tülkərimin cənubundakı Kür kəndində məscidi və Nablusun cənubundakı Kusrada tikilməkdə olan daha bir məscidi yandırmağa cəhd ediblər.
İsrailin məscidlərə hücumları son aylarda daha tez-tez və müxtəlif xarakter alıb. Bildirilib ki, İsrail əsgərləri və Fələstin torpaqlarını qəsb edən israillilər bomba atmaqdan tutmuş, yandırma cəhdlərinə, məscid divarlarına irqçi şüarlar yazmağa kimi müxtəlif irqçi və təcavüzkar hərəkətlər ediblər.
İsrail ordusu və Fələstin torpaqlarını qəsb edən israillilərin hücumları çərçivəsində fələstinlilərin öldürülməsi və həbs edilməsi ilə yanaşı, ev və tikililərin dağıdılması, məscid və nəqliyyat vasitələrinin yandırılması, əkinçilik sahələrinin dağıdılması, fermerlərin torpaqlarına girişinin qarşısının alınması, məskunlaşmaların genişləndirilməsi kimi tətbiqlər həyata keçirilir.
