Həştərxan vilayətində rusiyalı hərbçiyə sui-qəsd təşkil edən ukraynalı agent saxlanılıb.
Həştərxan vilayətində FSB və Rusiya Federasiyası İstintaq Komitəsinin əməkdaşları yüksək rütbəli rusiyalı hərbçiyə sui-qəsddə iştirak edən Moldova vətəndaşı Nikolae Koçunu saxlayıb.
Avropa.info xəbər verir ki, bu barədə Rusiya FTX-nin İctimaiyyətlə Əlaqələr Mərkəzi (XM) məlumat yayıb.
İdarə qeyd edib ki, 2004-cü il təvəllüdlü əcnəbi sentyabrın 3-də Saratov vilayətinin Engels rayonunun Probujdenie kəndində Rusiya Müdafiə Nazirliyinin yüksək rütbəli komanda heyətindən olan hərbçini öldürməyə cəhd edib.
“Müttəhim rus hərbçisinə odlu silahdan azı 6 atəş açıb. Zərərçəkmiş dərhal tibb müəssisəsinə çatdırılıb və bunun sayəsində sağ qalıb”, – İstintaq Komitəsinin rəsmi nümayəndəsi Svetlana Petrenko bildirib.
FSB əlavə edib ki, Ukrayna xüsusi xidmət orqanları bu adamı keçən il işə götürüb. Bundan sonra o, Kiyevdə mina partlayıcı və atıcı silah təlimi keçib və 2026-cı ilin iyununda yüksək rütbəli hərbçilərin məhv edilməsi missiyasını yerinə yetirmək üçün Rusiyaya gəlib.
Həmin şəxs Rusiya Federasiyasının ərazisini tərk etmək istəyərkən saxlanılıb.
Bir gün əvvəl FSB Xabarovsk diyarında Kiyevin göstərişi ilə mobil rabitə stansiyasını yandıran Rusiya vətəndaşını saxlayıb. Adamın özü onlayn rejimdə Ukrayna Müdafiə Nazirliyinin Baş Kəşfiyyat İdarəsinin nümayəndəsi ilə əlaqə saxlayıb və ondan təxribat törətmək tapşırığını alıb. Vətəndaşın üzərinə hərbi hissələrin və bələdiyyə müəssisələrinin istifadəsində olan rayon məntəqələrindən birini yandırmaq tapşırığı verilib.
