Ukrayna prezidenti Vladimir Zelenski Rusiya ordusunun Kiyev bölgəsinə endirdiyi hava zərbələri nəticəsində ölənlərin sayının 17-yə, yaralıların sayının isə 44-ə yüksəldiyini bildirib.
Avropa.info xəbər verir ki, Zelenski sosial media hesabından verdiyi açıqlamada Rusiyanın gecə saatlarında paytaxt Kiyev və ətrafına intensiv hava zərbələri endirdiyini bildirib.
Hücumlarda mövcud məlumatlara görə 17 nəfərin həyatını itirdiyini, 44 nəfərin isə yaralandığını bildirən Zelenski, Rusiya ordusunun gecə saatlarında ölkəsinə 28 raket və 115 silahlı pilotsuz uçuş aparatı (PUA) atdığını qeyd edib.
Zelenski, “Əsas hədəf mülki müəssisələrin anbar sahələri idi. İnfrastruktur və qatar stansiyasına da hücumlar oldu. Bu əlaqəli olmayan hədəflər arasında pivə biznesi, tikinti materialları anbarları və mülki logistika mərkəzləri var idi”. dedi.
Hava hücumundan müdafiə raketlərinin tədarükündə müttəfiqlərindən dəstək istəyən Zelenski qeyd edib ki, Rusiyaya qarşı sanksiyalar daha da gücləndirilməlidir.
Ukraynanın Dövlət Fövqəladə Hallar Xidməti (DSNS) gecə saatlarında Rusiyanın Kiyev bölgəsinə endirdiyi hava zərbələri nəticəsində 14 nəfərin öldüyünü açıqlayıb.
