Fövqəladə Hallar Nazirliyinin əməkdaşı Piriyev Hakim Şahlar oğlunun Bakı–Astara magistral yolunda avtomobildə baş vermiş yanğının söndürülməsi zamanı xidməti vəzifəsini yerinə yetirərkən hərəkətdə olan nəqliyyat vasitəsinin onu vurması nəticəsində həlak olub.
Avropa.info xəbər verir ki, Milli məclisin deputatı Günay Ağamalı dəfnində iştirak edib
Millət vəkilinin dediklərini təqdim edirik.
Deputat seçildiyim 65 saylı Salyan-Biləsuvar–Neftçala seçki dairəsinin Neftçala rayonu Şorkənd kənd sakini, Fövqəladə Hallar Nazirliyinin əməkdaşı Piriyev Hakim Şahlar oğlunun Bakı–Astara magistral yolunda avtomobildə baş vermiş yanğının söndürülməsi zamanı xidməti vəzifəsini yerinə yetirərkən hərəkətdə olan nəqliyyat vasitəsinin onu vurması nəticəsində həlak olması məni dərindən sarsıtdı.
Həyatını itirən Hakim Piriyevə Uca Yaradandan rəhmət diləyir, ailəsinə və yaxınlarına dərin hüznlə başsağlığı verirəm.
Allah rəhmət eləsin.
Günay Ağamalı
Milli Məclisin deputatı,
Ana Vətən Partiyasının sədri
Avropa.info
