Avropa.info xəbər verir ki, ABŞ  Geoloji  Xidməti (USGS)  yerli vaxtla saat 05:38-də Poso şəhərindən 15 kilometr şimalda 5,8 bal gücündə zəlzələnin baş verdiyini  açıqlayıb  .

Antara News-un məlumatına görə  , İndoneziyanın  Milli Fəlakət İdarəetmə Agentliyi (BNPB) zəlzələ nəticəsində 29 nəfərin yaralandığını açıqlayıb.

Yaralıların xəstəxanaya çatdırıldığını və iki nəfərin vəziyyətinin ağır olduğunu bildirən BNPB, zəlzələdən sonra 10 artçı təkanın qeydə alındığını, ən güclülərinin 3,2, digərlərinin isə orta hesabla 2,0 bal gücündə olduğunu bildirib.

BNPB sunami təhlükəsinin olmadığını bildirib.

Yerli media zəlzələnin 6 bal gücündə olduğunu yazıb.