Avropa.info xəbər verir ki, Xarici İşlər Nazirliyi, “İordan çayının qərb sahili ilə Şərqi Qüdsü ayırmağı hədəfləyən məskunlaşma planının təsdiqi ilə bağlı” yazılı açıqlama verib.

Bəyanatda, “İsrailin E1 bölgəsində məskunlaşma planını təsdiqləməsini qınayırıq. İordan çayının qərb sahilini Şərqi Qüdsdən təsirli şəkildə ayıracaq bu addım beynəlxalq hüquqa və Birləşmiş Millətlər Təşkilatının qətnamələrinə məhəl qoymur və Fələstin Dövlətinin ərazi bütövlüyünü, iki dövlətli həllin əsaslarını və uzunmüddətli sülh ümidlərini hədəfləyir” ifadələri işlədilib.

Bəyanatda, 1967-ci il sərhədlərinə əsaslanan və paytaxtı Şərqi Qüds olan, coğrafi cəhətdən inteqrasiya olunmuş, müstəqil və suveren Fələstin Dövlətinin qurulmasının bölgədə ədalətli və davamlı sülhə nail olmağın yeganə yolu olduğu vurğulanaraq, “Fələstin xalqının ədalətli işini və qətiyyətli mübarizəsini dəstəkləməyə davam edəcəyik” ifadəsi əlavə edilib.

Smotriç “E1” layihəsini təsdiqləyəcəyini açıqladı

İsrail Nazirlər Kabinetinin ifrat sağçı maliyyə naziri Bezalel Smotriç dünən “Fələstin dövləti ideyasını aradan qaldırmaq” üçün işğal altındakı Şərqi Qüdsdə fələstinlilərdən ələ keçirilən yaşayış məntəqələrini genişləndirəcək “E1” layihəsini təsdiqləməyi planlaşdırdığını açıqlayıb.

İsrail Mülki Administrasiyasının Yüksək Planlaşdırma Şurası avqustun 20-də toplanaraq “E1” layihəsi çərçivəsində 3401 qeyri-qanuni mənzil tikintisi planına yekun təsdiq verəcək.