Avropa.info xəbər verir ki, HƏMAS  Siyasi Bürosunun üzvü İzzat ər-Rişk  Netanyahu  və “Nasist hökuməti”nin  Qəzza xalqına qarşı başlatdığı aclıq-susuzluq müharibəsinin təsirlərinin  hazırda məhbuslara da yansıdığını ifadə edərək, bunun bütün məsuliyyətinin  İsrail hökumətinin  üzərinə düşdüyünü vurğulayıb.

Rişk Fələstin müqavimət qüvvələrinin öz məhbuslarına dini təlimlər və insani dəyərlərə uyğun baxdığını, onları öz yemək və içkiləri ilə yedizdirdiyini və bunun bütün Fələstin əhalisinə də aid olduğunu bildirib.

Əvvəlki məhbus mübadiləsində Fələstin müqavimətinin israilli məhbusları fiziki və ruhi sağlamlıqları yaxşı vəziyyətdə azad etdiyini xatırladan Rişk, bu gün məhbusların aclıq, halsızlıq və arıqlamaqdan əziyyət çəkdiyini və bu vəziyyətin Qəzzada mühasirə altında olan insanların yaşadığı faciə ilə paralel olduğunu qeyd edib.

Rişk, Netanyahunun Qəzza xalqına etdiyi zülmün məhbusları da əhatə etdiyini və onları amansız aclıqla intizam etməyə çalışdığını ifadə edərək, “Qəzzəli uşaq, qadın və yaşlıların üzündəki aclıq təsvirləri İsrailli məhbus Evyatar Davidin aclıqla mübarizəsinin ən güclü sübutudur” dedi.

Qəzzadakı aclıq siyasətinin Netanyahunun məhbusları ac qoyaraq problemi həll etmək istəyinin bir parçası olduğunu ifadə edən Rişk, “Netanyahu məhbusların yerini müəyyən edib hava hücumları ilə öldürə bilmədiyi üçün indi onları ac qoyaraq bu problemi həll etməyə çalışır” dedi.

HƏMAS-ın silahlı qanadı İzzəddin əl-Qəssam Briqadaları avqustun 2-də Qəzzadakı israilli məhbus Evyatar Davidin videosunu paylaşıb. Videonun 27 iyul tarixli olduğunu bildirən David, Qəzzada aclığı və durmadan azalan gücünü vurğulayaraq, qala tunelində öz məzarını qazdığını bildirib.

Netanyahuya müraciət edən əsir David, “Mən burada özümü tərk edilmiş hiss edirəm. Baş nazir olaraq siz mənim və bütün əsirlərin qayğısına qalmalısınız. İsraildə “əsirlərin qayğısına qalmaq” haqqında öyrəndiyim hər şey yalandır” deyib.