Türkiyənin liderliyi ilə qurulan Balkan Sülh Platformasının ilk toplantısına İstanbulda xarici işlər naziri Hakan Fidan ev sahibliyi edəcək. Platformanın məqsədi regional mülkiyyətə əsaslanan dialoq, etimad və davamlı əməkdaşlığı inkişaf etdirməkdir.
Avropa.info xəbər verir ki,Türkiyə Balkanlarda dialoqa üstünlük verən yeni diplomatik təşəbbüslə çıxış edir.
Balkan Sülh Platformasının ilk iclası İstanbulda xarici işlər naziri Hakan Fidanın ev sahibliyi ilə keçiriləcək.
Nazir müavinləri səviyyəsində keçiriləcək iclasda Bosniya və Herseqovina, Monteneqro, Kosovo, Şimali Makedoniya , Serbiya və Albaniyanın xarici işlər nazirlərinin iştirakı gözlənilir.
Platformanın məqsədi regional problemlərə davamlı həll yolları hazırlamaq, etimad yaratmaq və əməkdaşlığı dərinləşdirməkdir.
Konkret əməkdaşlıq layihələri müzakirə olunacaq
Qeyri-rəsmi məşvərət formatında keçiriləcək görüşdə nazir Fidanın regional mülkiyyətə əsaslanan yanaşmanın, təhlükəsizlik risklərinin aradan qaldırılmasının və regional inteqrasiyanın gücləndirilməsinin vacibliyini vurğulaması gözlənilir. Nəqliyyat, enerji və kommunikasiya sahələrində konkret əməkdaşlıq layihələrinin də müzakirə olunacağı sammitdə Türkiyənin sülh və rifaha töhfə verən bütün konstruktiv təşəbbüslərə açıqlığı çatdırılacaq.
Türkiyənin bu addımı Türkiyə-Bosniya və Herseqovina-Serbiya və Türkiyə-Bosniya və Herseqovina-Xorvatiya Üçtərəfli Məşvərət Mexanizmləri, eləcə də Cənub-Şərqi Avropa Əməkdaşlıq Prosesi kimi əvvəllər həyata keçirilən çoxtərəfli diplomatik səyləri tamamlayır.
Görüşdə Fidanın ikitərəfli danışıqlar aparacağı da gözlənilir.
