Avropa.info xəbər verir ki, Tramp özünün Truth Social hesabındakı paylaşımında  Yaponiya ilə razılaşmanı  “bəlkə də indiyə qədər edilən ən böyük razılaşma” kimi xarakterizə edib.

Yaponiyanın  öz göstərişi ilə ABŞ-a 550 milyard dollar sərmayə qoyacağını  və qazancın yüzdə 90-ını özlərinin alacağını ifadə edən Tramp, “Bu müqavilə yüz minlərlə iş yeri yaradacaq. Daha əvvəl belə bir şey olmamışdı” dedi.

Tramp qeyd edib ki, Yaponiya öz ölkəsini ticarətə, o cümlədən avtomobil və yük maşınları, düyü və bəzi digər kənd təsərrüfatı məhsullarına açacaq.

Yaponiyanın ABŞ-a 15 faizlik qarşılıqlı tariflər ödəyəcəyini   vurğulayan  Tramp , “Bu , ABŞ  üçün çox həyəcanlı bir zamandır və xüsusilə də Yaponiya ilə hər zaman əla əlaqələrimizi davam etdirəcəyimizə görə” deyib .

Digər tərəfdən Tramp Ağ Evdəki çıxışında Yaponiya ilə əldə olunan razılaşmaya toxunaraq,  mayeləşdirilmiş təbii qaz (LNG)  mövzusunda da razılaşmanın ediləcəyini bildirib .

Tramp həmçinin qeyd edib ki, Avropa və digər ticarət  tərəfdaşları ilə danışıqlar aparılacaq  .

ABŞ prezidenti Tramp aprelin 2-də ölkələrə qarşı ikitərəfli rüsumlar elan edərək, Yaponiyaya 24 faizlik gömrük rüsumunun tətbiq ediləcəyini bildirib.

Tramp bu ay Yaponiyaya göndərdiyi tarif məktubunda avqustun 1-dən Yaponiyaya sektor tariflərindən ayrı olaraq 25 faizlik tarif tətbiq ediləcəyini qeyd edib.

Tramp məktubunda “bəlkə də” düzəlişlərin edilə biləcəyini ifadə edərək, “Bu tariflər ölkənizlə münasibətimizdən asılı olaraq yuxarı və ya aşağıya doğru tənzimlənə bilər” deyib.