Qəzza zolağındakı hökumət, İsrailin soyqırımı və blokadası səbəbindən bölgədə 5 yaşından kiçik 650 min uşağın utanc verici beynəlxalq susqunluq şəraitində aclıqla üzləşdiyini bildirib.
Avropa.info xəbər verir ki, Hökumətin Qəzzadakı Media Ofisi tərəfindən yayımlanan yazılı açıqlamada , İsrailin 7 oktyabr 2023-cü ildən bu yana həyata keçirdiyi hücumların ağır nəticələrinə, habelə martın 2-dən etibarən sərhəd qapılarını bağladığı və yardımların ölkəyə girişini əngəllədiyi vurğulanıb.
İsrailin 103 gün ərzində sərhəd qapılarını tamamilə bağlaması nəticəsində bölgədə aclıq riskinin artdığı və yüz minlərlə insanın ölüm riski ilə üzləşdiyi bildirilib.
“Beynəlxalq ictimaiyyətin utanc verici susqunluğu fonunda təxminən 1,1 milyon uşaq əhalisi olan Qəzza zolağında 5 yaşdan kiçik 650 min uşağı aclıq təhlükəsi ilə üz-üzə qoyur “, – deyə bildirilib.
Bəyanatda deyilirdi ki, “İşğalçı qüvvələr bütün sərhəd qapılarını və keçidləri bağlayır, ərzaq, dərman və yanacağın ölkəyə girişinin qarşısını alır . Bu, müasir dövrün ən ağır kütləvi mühasirə cinayətlərindən biridir”.
Bildirilib ki, Qəzza zolağında aclıq günü-gündən şiddətlənir.
Son üç gündə son dərəcə ağır humanitar vəziyyətin yaşandığı bölgədə ərzaq və əsas tibbi ləvazimat çatışmazlığı səbəbindən çoxlu sayda insanın həyatını itirdiyi qeyd edilib .
İsrail ordusunun 7 oktyabr 2023-cü il tarixindən intensiv bombardmanlar, aclıq, məcburi köçkünlük və infrastrukturun dağıdılması nəticəsində hücumlara başladığı Qəzzada böyük humanitar fəlakət baş verir.
İsrail martın 2-dən Qəzza zolağına daxil olan bütün quru sərhəd keçidlərini bağlı saxlayıb. Yüzlərlə yardım maşınının keçidi bloklanıb, Kerem Əbu Səlim Sərhəd Keçidindən isə yalnız məhdud sayda avtomobilin keçməsinə icazə verilib.
