Qəssam Briqadaları Qəzzanın şimalında İsrail ordusuna ağır zərbələr endirib. Beyt Hanunda keçirilən əməliyyatda 5 işğalçı İsrail əsgəri öldürülüb.
Avropa.info-nun məlumatına görə Qəssam Briqadaları Qəzzada İsrail əsgərlərini daşıyan zirehli maşına bombalı hücum təşkil edib.
Hücumdan sonra ərazini boşaltmaq üçün bölgəyə gələn İsrail əsgərləri də raketlər və uzun lüləli silahlarla hədəfə alınıb.
Toqquşma səslərinin ardından yaralı İsrail əsgərlərini xəstəxanaya aparan helikopterlər görünüb.
İsrail ordusu 5 əsgərinin şəhid olduğunu, 2-si ağır olmaqla 14 əsgərinin yaralandığını açıqlayıb.
Ölən əsgərlərin Moşe Nissim Frech, Meir Shimon Amar, Noam Aharon Musgadian və Kfir Briqadasının Netzach Yehuda Batalyonundan Baş Serjant Moşe Şmuel Noll və Şimal Briqadasından Benyamin Asulin olduğu müəyyən edilib.
“Ordunuzun reputasiyasını məhv edəcəyik”
HƏMAS-ın hərbi qanadı İzzəddin əl-Qəssam Briqadaları öz Telegram hesabında Beyt Hanunda İsrail əsgərlərinə qarşı qurulan pusqu ilə bağlı paylaşım edib .
İsrailin Fələstin xalqına qarşı hücumları və müharibəsi davam etdikcə, əsgərlərin dəfn mərasimlərinin gəlməyə davam edəcəyi qeyd edilən yazıda “Ordunuzun reputasiyasını məhv edəcəyik” deyilir.
Son əməliyyatla 7 oktyabr 2023-cü ildən Qəzzada öldürülən İsrail əsgərlərinin sayı 888-ə yüksəlib.
