İsrailin baş naziri Benyamin Netanyahu müsəlman namizəd Zohran Mamdaninin Nyu-Yorkun meri seçiləcəyi təqdirdə Beynəlxalq Cinayət Məhkəməsinin (ICC) onu həbs edə biləcəyi ilə bağlı sözlərinə “Prezident Trampla ora (Nyu Yorka) gedəcəyəm” deyərək cavab verib.
Avropa.info xəbər verir ki, Netanyahu ABŞ-a səfəri zamanı Ağ Evdə prezident Donald Trampla jurnalistlərin suallarını cavablandırıb .
Netanyahu, Nyu-York meri seçiləcəyi təqdirdə şəhərə gələrsə, ICC qərarına uyğun olaraq həbs oluna biləcəyi mesajını verən Mamdani ilə bağlı “Prezident Trampla ora (Nyu Yorka) gedəcəyəm” dedi.
Tramp həmçinin Mamdanini tənqid etdiyini təkrar edərək bildirib ki, Mamdani 4 noyabr seçkilərində qalib gəlsə belə, Ağ Evə ehtiyacı olacaq.
“Hər şey Ağ Evdən keçir. Ona Ağ Ev vasitəsilə pul lazımdır . Yaxşı olar, yoxsa böyük bəlada olar”, – Prezident Tramp deyib.
Müsəlman namizəd Mamdani mer seçkilərində qalib gəlib
ABŞ-da açıqlanan rəsmi nəticələrə görə, Nyu-York Nümayəndələr Palatasının üzvü Mamdani şəhərdə Demokratlar Partiyasının meri seçkilərində qalib gəlib.
33 yaşlı Mamdani noyabrın 4-də keçiriləcək seçkilərdə qalib gəlsə, Nyu-Yorkun ilk müsəlman və Cənubi Asiyadan olan meri olacaq.
2024-cü ildə qatıldığı bir televiziya proqramında Mamdani Netanyahunun Nyu Yorka gəlsə, həbs edilib-edilməyəcəyi ilə bağlı suala “Mən bələdiyyə sədri olsaydım, Nyu York şəhəri Netanyahunu həbs edərdi. Bu, beynəlxalq hüquqa uyğun dəyərlərə malik bir şəhərdir. Davranışımız indi həmin dəyərlərə uyğun olmalıdır” deyə cavab verdi.
Aparıcının “ABŞ Beynəlxalq Cinayət Məhkəməsinin (ICC) tərəfi olmasa belə?” sualına cavabında Mamdani “Bu addımı atmaqla federal hökumətdə çatışmayan liderliyi göstərməyin vaxtı olduğunu açıq şəkildə bildirməliyik” deyə cavab verib.
