İstanbulun Bakırköy qəsəbəsində metrobüsdə baş verən yanğın yanğınsöndürənlərin müdaxiləsi ilə söndürülüb.
Avropa.info xəbər verir ki, İncirli bölgəsində Ədirnəyə doğru hərəkət edən metrobüsdə naməlum səbəbdən yanğın baş verib. Alov sürətlə böyüyərək bütün metrobsa yayılıb.
Xəbər verildikdən sonra hadisə yerinə yanğınsöndürənlər və polis qrupları sövq edilib.
Yanğınsöndürənlərin müdaxiləsi zamanı vaxtaşırı partlayış səsləri eşidilib.
Hadisə yerinə gələn polis qrupları D-100 şosesində Ədirnə istiqamətində tədbir görərək nəqliyyatın idarə olunmasını təmin edib.
Yanğın yanğınsöndürənlərin müdaxiləsi ilə söndürülərkən, tamamilə yanan metrobüs yararsız hala düşüb.
Yanğınla əlaqədar olaraq hər iki istiqamətdə metrobüs hərəkətləri dayandırılıb, ərazidə uzun metrobüs növbəsi yaranıb.
Komandalar ərazidə işlərini davam etdirir.