30-dan çox vətəndaş cəmiyyəti təşkilatı İsrailin Qəzzada törətdiyi soyqırıma etiraz etmək üçün Avstriyanın paytaxtı Vyanada Fələstinə dəstək nümayişi keçirib.
Avropa.info xəbər verir ki, Fələstinə dəstək nümayişinə qatılan yüzlərlə insan əvvəlcə Avstriya parlamentinə, sonra isə Baş nazirliyə doğru yürüş edib. Nümayişçilər “Azad Fələstinə”, “Qəzzədə soyqırımı dayandırın”, “Qəzzada uşaqlar da yaşamaq istəyir, lakin Avstriya buna qarşıdır”, “Netanyahu tutulacaq, uşaq qatili həbsə gedəcək” şüarları səsləndirib.
Küçələri Fələstin bayraqları ilə dolduran etirazçılar əllərində “İsrail terrorunu dayandırın” yazılmış lövhələr tutublar.
Qəzzaya humanitar yardım aparan “Madleen” gəmisində olan və İsrail tərəfindən saxlanılan Almaniya vətəndaşı Yasemin Acar nümayişdə çıxış edib.
Acar sionistlərdən xilas olmalarından 2 həftə keçdiyini və fəal olaraq gəmidə yaşadıqlarının Qəzzada yaşadıqlarının yanında heç bir şey olmadığını bildirib.
Sionistlərin ideologiyasının “nifrət”dən qaynaqlandığını vurğulayan Acar, “Bu gün Avstriya (İsrailə) siyasi dəstək verməklə və baş verənlərə səssiz qalmaqla Fələstinlilərə qarşı davam edən zorakılıqlara ortaqdır” dedi.
Acar vətəndaşı olduğu Almaniya hökumətinin də bu soyqırımı dəstəklədiyini, dünyada milyonlarla insanın hökumətlərinin son 630 gündə İsrailə verdiyi dəstəyə etiraz edərək ayağa qalxdığını bildirib.
Qəzzada törədilən soyqırımla bağlı susqunluğun davam etdirilməməsi lazım olduğunu vurğulayan Acar Qərb ölkələrinin İsraili dəstəkləməsinə reaksiya verib.
“Bizim (Avstriya) hökumətimiz soyqırıma görə məsuliyyət daşıyır”
Nümayişin təşkilatçılarından biri, avstriyalı fəal Vilhelm Langthaler Avstriya hökumətinin İsrailə qeyd-şərtsiz dəstək verdiyini bildirib.
“Hökumətimiz soyqırıma görə məsuliyyət daşıyır. Biz bunu qəbul edə bilmərik”, – Langthaler deyib.
Langthaler hökumətin təkcə soyqırımı deyil, həm də fələstinlilərin aclığını və Qəzzaya tətbiq etdiyi blokadanı dəstəklədiyini bildirib və İrlandiya və İspaniyanın soyqırım səbəbilə İsrailə qarşı sanksiyalar tətbiq etməyi nəzərdən keçirdiyini , lakin Avstriyanın buna mane olduğunu qeyd edib.
Langthaler fələstinlilərin də insan olduğunu vurğulayaraq, nümayiş iştirakçılarının “soyqırımın sona çatması, blokadanın qaldırılması və fələstinlilərə azadlıq” çağırışı üçün toplaşdıqlarını bildirib.
Wilhelm Langthaler, “Qərb olmasaydı, soyqırım mümkün olmazdı. ABŞ, Avropa Birliyi (AB) və əksər Avropa ölkələri bunun məsuliyyətini daşıyır. Silahlar Avropa və ABŞ-dan gəlir” dedi.
