Avropa.info xəbər verir ki, Hökumət  Media  Ofisinin direktoru İsmayıl əl-Savabite xatırladıb ki, son günlər aclıqdan ölmək həddinə çatan mülki vətəndaşlar “ölüm tələləri” olaraq xarakterizə edilən yardım bölgələrində hədəfə alınıb.

Sevabite, “Xəstəxanalara çatan xəsarətlər baş, sinə və yuxarı ətraflar kimi həyati əhəmiyyətli bölgələrdə cəmləşib. Bu, snayperlərin qəsdən həqiqi güllə atdığını açıq şəkildə göstərir” dedi.

Həkim qruplarının yaralılar arasında çoxlu əskik əzalar və ciddi toxuma ziyanı aşkarladığını qeyd edən Sevabite,  İsrail  ordusunun beynəlxalq müqavilələrlə qadağan olunmuş partlayıcı təsirli sursat və güllələrdən istifadə etdiyini bildirib.

Sevabite, “Yaralananların çoxu birbaşa hədəfə alındı. Qurbanların əksəriyyəti yardım paylanan bölgələrdən qaçmağa çalışarkən vuruldu. Bu, hədəfin təsadüfi deyil, qəsdən edildiyini göstərir” dedi.

İsrail mayın 27-də  Birləşmiş Millətlər Təşkilatının (BMT) və beynəlxalq yardım təşkilatlarının  razılığı olmadan  ABŞ  və İsrail tərəfindən dəstəklənən, lakin BMT tərəfindən rədd edilən “Qəzzəyə Humanitar Yardım Fondu” vasitəsilə məhdud yardım paylamağa başladı.

Qəzza  hökümətinin media ofisi iyunun 24-də bildirib ki, mexanizm işə salınandan bəri ən azı 516 nəfər həyatını itirib, 3799 nəfər isə yaralanıb.