Avropa.info xəbər verir ki, Subianto bu il 28-ci dəfə keçirilən Rusiyanın “Davosu” kimi tanınan Sankt-Peterburq Beynəlxalq İqtisadi Forumunda çıxış edib.

Rifahın yalnız dostluq və əməkdaşlıqla əldə oluna biləcəyini qeyd edən Subianto İndoneziyanın hər zaman neytrallıq yolu ilə gedəcəyini qeyd edib.

Dünyanın çoxqütblü bir quruluşa çevrilməsi lazım olduğuna inandığını ifadə edən Subianto, “Birqütblü dünya keçmişdə qaldı. Yeni qlobal reallıq ortaya çıxır” dedi.

Yeni dövrdə Rusiya və Çin  rəhbərliyinin ön plana çıxdığını şərh edən  Subianto, “Rusiya və Çinin liderliyini vurğulamaq istəyirəm. Açığını deyəcəyəm. Bugünkü dünyada Qlobal Güneyin bir çox ölkəsi də bununla razılaşır. Rusiya və Çin  heç vaxt ikili standartlar tətbiq etmir. Onlar həmişə məzlumların yanında olublar və bu qlobal ədalət uğrunda mübarizə aparıblar.”

“İndoneziya güclü, etibarlı və dürüst tərəfdaş olmaq istəyir”

Subianto İndoneziyanın iqtisadi artımının bu il artıq 5 faizə çatdığını və ilin sonuna qədər 7 faiz və daha çox səviyyəyə çata biləcəyini bildirərək, bu ölkənin doğru yolda olduğunu və məqsədlərinə çatacağını göstərir.

Bütün strateji tərəfdaşlarla işləməyə hazır olduqlarını bildirən Subianto, “İndoneziya güclü, etibarlı və dürüst tərəfdaş olmaq istəyir. Biz yardım və ya ianə istəmirik. Biz birlikdə real rifaha nail olmaq üçün real və mənalı ortaqlıqlar axtarırıq” dedi.

Subianto   iş dünyasına açıq olduqlarını və xüsusilə Rusiya şirkətlərini İndoneziya iqtisadiyyatının bir parçası olmağa dəvət etdiklərini bildirib.

Subianto Rusiya Federasiyasına İndoneziya ilə Avrasiya İqtisadi İttifaqı arasında hərtərəfli iqtisadi sazişin irəliləyişinə kömək etdiyinə görə təşəkkür edərək,  həmçinin Avropa İttifaqı (Aİ) və İqtisadi Əməkdaşlıq və İnkişaf Təşkilatı (OECD)  ilə sazişləri yekunlaşdırmağa yaxın olduqlarını qeyd edib .

Subianto həmçinin, xüsusilə Yaxın Şərqdə davam edən qarşıdurmalardan dərin kədərləndiyini ifadə edərək, bütün tərəflərin tezliklə sülh yolu ilə həllinə nail olacağına ümid etdiklərini bildirib.