Avropa.info xəbər verir ki, İran İnqilabı Keşikçiləri Korpusuna yaxın olan yarı rəsmi Tanim Xəbər Agentliyinin yaydığı xəbərə görə,  bu səhər İranın cavab hücumunda  İsrail  ordusunun komandanlığı və kəşfiyyat qərargahı hədəf alınıb .

İsrail mediasının sözügedən məkanı “xəstəxana” kimi göstərməyə çalışdığını iddia edən xəbərdə, hədəfin  xəstəxananın yanındakı İsrail Müdafiə Qüvvələrinin (IDF) komandanlıq və kəşfiyyat (IDF C4i) qərargahı və  Gav-Yam Texnologiya Parkındakı  ordu  kəşfiyyat düşərgəsi olduğu qeyd edilib.

Hesabatda vurulan strukturlarda İsrail ordusuna aid minlərlə hərbi qüvvənin, rəqəmsal komanda sistemlərinin və kiber əməliyyat sistemlərinin olduğu iddia edilib.

Münaqişə İsrailin İrana şiddətli hücumları ilə başladı

İyunun 13-də İsrail İranın müxtəlif şəhərlərindəki nüvə obyektlərini, eləcə də ordunun yüksək komandanlığını hədəf alan irimiqyaslı hücumlara başlayıb.

İrandakı  hücumlarda Baş Qərargah rəisi  , İnqilab Keşikçiləri Korpusunun Baş Komandanı , bəzi yüksək səviyyəli komandirlər və 9 nüvə alimi həlak olarkən , cəmi mülki itkilərin 224 olduğu açıqlanıb.

İran ordusunun İsrailə ballistik raketlərlə cavab verməsi nəticəsində 24 nəfərin öldüyü, 500-dən çox insanın yaralandığı bildirilib.

Başda Türkiyə olmaqla bir çox ölkə İsraili qınayıb.