Meksikanın cənub-qərbinə təsir edən “Erik” qasırğası 4-cü kateqoriya fırtına statusuna çatıb, yəni “son dərəcə təhlükəli”dir.
Avropa.info-nun məlumatına görə ABŞ Milli Qasırğa Mərkəzindən verilən açıqlamaya görə, “Erik” qasırğası Meksikanın cənub-qərbində və ətraflarında güclü yağışlara səbəb olacaq.
Açıqlamada siklonun “son dərəcə təhlükəli” 4-cü kateqoriyaya çatdığı bildirilir və həyat üçün təhlükə yaradan sel və daşqınların baş verə biləcəyi barədə xəbərdarlıq edilir.
Meksika rəsmiləri qasırğanın ölkənin cənub-qərb bölgəsinə, xüsusilə Akapulko şəhəri və Puerto Anxel bölgəsinə təsir edə biləcəyi barədə xəbərdarlıq edib.
Meksika Prezidenti Claudia Sheinbaum, paylaşdığı video mesajında bölgədəki bütün fəaliyyətlərin dayandırıldığını vurğuladı və ictimaiyyəti evdə və ya sığınacaqlarda qalmağa çağırdı.
Braziliyada güclü yağışlar nəticəsində iki nəfər ölüb
“Erik” qasırğasının təsirləri Meksikada müşahidə edilərkən, güclü yağışlar Braziliyada da həyata təsir edir.
Braziliyanın Rio-Qrande-du-Sul əyalətinin səlahiyyətliləri leysan yağışlar səbəbindən 2600-dən çox insanın ərazilərini tərk etmək məcburiyyətində qaldığını açıqlayıb.
Səlahiyyətlilər yağış səbəbilə elektrik enerjisinin kəsildiyini , torpaq sürüşmələrinin və bəzi körpülərin dağıldığını , 2 nəfərin həyatını itirdiyini, 1 nəfərin isə itkin düşdüyünü bildirib.
