Beynəlxalq Qalereyada Yasamal rayon Heydər Əliyev Mərkəzinin birgə təşkilatçılığı ilə Novruz bayramına həsr olunmuş “Təbiətin nəfəsi” adlı sərgi təşkil olunub.
Avropa.info xəbər verir ki, layihənin rəhbəri Aygün Əzizovadır.
Sərgidə “UĞUR ART Life”ın rəhbəri Jalə Məhyəddinova və “ST Studio”nun rəhbəri Tünzalə Mübariz tələbələri ilə birlikdə iştirak ediblər.
Sərgidə 50 nəfər yeniyetmə və gənc rəssam iştirak edib.
Sərgini giriş sözü ilə açan Beynəlxalq Qalereyanın direktoru Elnurə İsgəndərova iştirakçıları Novruz bayramı münasibətilə təbrik edib. O, sərgidə nümayiş olunan əsərlərin bir-birindən gözəl olduğunu bildirib.
Sərgidə fəxri qonaq olaraq Yasamal rayon Heydər Əliyev Mərkəzinin əməkdaşı Arifə Mustafayeva, Azərbaycan Dövlət Rəssamlıq Akademiyasının müəllimi Zinaida Mirzəzadə və XeberTime.az portalının rəhbəri Yeganə Telmanqızı iştirak ediblər.
Rəssamlara diplom və kiçik hədiyyələr təqdim olunub. Sonda xatirə fotoları çəkilib.
Aygün Oqtay
Fotolar Ayazındır
