“Qafqazinfo” xəbər portalının baş direktoru Elbrus Əruda ağır itki üz verib.
Əməkdar jurnalistin atası Ramiz Seyfullayev uzunsürən xəstəlikdən sonra bu gün səhər saatlarında 74 yaşında dünyasını dəyişib.
Mərhum bu gün Zabrat qəbiristanlığında torpağa tapşırılacaq.
Qeyd edək ki, Biləsuvarın Nərimankənd kəndində anadan olan R.Seyfullayev uzun illər pedaqoji fəaliyyət göstərib. Mərhumun üç mərasimi fevralın 24-də Bakının Kazım Kazımzadə küçəsində yerləşən Tural mərasim evində (Zoopark ilə üzbəüz) baş tutacaq.
Avropa.info kollektivi Əməkdar jurnalist Elbrus Əruda başsağlığı verir və atasına Allahdan rəhmət diləyirik.
Allah rəhmət eləsin
