Qatil İsrail ordusunun səhər saatlarından Qəzza zolağının müxtəlif bölgələrində həyata keçirdiyi hücumlarda aralarında qadın və uşaqların da olduğu 47 fələstinli həyatını itirib.
Avropa.info xəbər verir ki, Şahidlərin və tibbi mənbələrin bildirdiyinə görə, İsrail artilleriya bölmələri Qəzza zolağının şimalında Qəzza şəhərinin Şucaiyyə, Zeytun və Tuffah məhəllələrini atəşə tutub .
Şucayyə məhəlləsində Vadi əl-Arais bölgəsinə İsrailin artilleriya hücumu nəticəsində iki qadın həyatını itirib.
Zeytun məhəlləsindəki Əl-Sikka küçəsini hədəf alan bombardman nəticəsində 3 nəfər ölüb, çox sayda insan yaralanıb.
İsrail ordusunun Tuffah məhəlləsində bir evə hücumu nəticəsində 3 fələstinli həyatını itirib.
Tuffah məhəlləsinə edilən digər hücumda isə dağıntılar altından cansız bir cəsəd çıxarılıb.
Tuffah məhəlləsindəki fələstinli mülki şəxslər pilotsuz uçuş aparatı (PUA) tərəfindən hədəfə alınıb. Hücum nəticəsində 5 mülki vətəndaş həyatını itirib, çoxlu sayda insan isə yaralanıb.
İsrail Qəzzanın mərkəzini bombalayır
Qəzza zolağının mərkəzində Deyr Bəlax şəhərində ticarət mərkəzinin yaxınlığında endirilən hava hücumu nəticəsində beş fələstinli ölüb , bir neçəsi isə yaralanıb .
İsrail ordusu da Meqazi Qaçqınlar Düşərgəsindəki bir evə pilotsuz təyyarə ilə hücum edib.
İsrail Xan Yunisdə Balıqçılar və Çadırları Hədəf Edib
Qəzza zolağının cənubundakı Xan Yunis şəhərinin qərbində məcburi köçkün fələstinlilərin qaldığı çadır bombalanıb . Hücum zamanı üçü uşaq və biri qadın olmaqla 8 fələstinli həyatını itirib.
İsrailin Xan Yunisin şərqindəki Huzaa qəsəbəsini bombalaması nəticəsində 17 yaşlı uşaq həyatını itirib.
İsrail silahlı qayıqları Xan Yunis sahillərində bir qrup balıqçıya atəş açıb. Hücum nəticəsində bir balıqçı həyatını itirib, digəri isə yaralanıb.
İsrail ordusuna məxsus pilotsuz təyyarələr Xan Yunisin qərbindəki Mavasi bölgəsində məcburi köçkün fələstinlilərin yerləşdiyi çadıra atəş açıb. Hücum nəticəsində bir uşaq ölüb.
Hadisə şahidləri və sağlamlıq mənbələrindən alınan məlumata görə, axşam saatlarında İsrail ordusuna məxsus pilotsuz uçan aparat Qəzza zolağının mərkəzindəki Deyr əl-Bəlah şəhərində Əlcəzairli Qaçqınlar Düşərgəsində köçkün fələstinlilərin qaldığı çadırı hədəf alıb .
Hücumda 4-ü uşaq olmaqla 5 fələstinli həyatını itirib.
Səhiyyə mənbələri, Qəzza zolağının mərkəzindəki Nusayrat Qaçqınlar Düşərgəsinin girişindəki kafeyə İsrail ordusuna məxsus pilotsuz təyyarənin hücumu nəticəsində 5 fələstinlinin öldüyünü, çox sayda insanın isə yaralandığını bildirib.
İsrail döyüş təyyarələri Qəzza zolağının cənubundakı Xan Yunis şəhərində bir evə hücum edib .
Hücumda 7 fələstinli həyatını itirib, aralarında qadın və uşaqların da olduğu çox sayda insan yaralanıb.
İsrail helikopterlərinin Qəzza zolağının cənubundakı Rəfah şəhərini saatlarla intensiv və davamlı atəşə tutduğu bildirilir.
