Yeni isti dalğasının təsiri altında olan Fransada 43 əyalətdə həyəcan səviyyəsinin “narıncı” olaraq təyin edildiyi bildirilir.
Avropa.info xəbər verir ki, Fransa meteorologiya agentliyi Meteo-France ölkə daxilində yeni isti dalğasının qüvvəyə minməyə başladığını bildirib.
İsti havalara qarşı xəbərdarlıq edən Meteo-Fransa, dünən 21 olan “narıncı” xəbərdarlıq altında olan əyalətlərin sayının bu gündən etibarən 43-ə yüksəldildiyini açıqladı.
Bildirilib ki, ölkə üzrə ən aşağı temperatur 20 dərəcə, xüsusilə Fransanın qərbində və cənub-qərbində, termometrlərdə isə 36-38 dərəcə olacaq.
Rekord temperaturun müşahidə olunduğu Fransa bu il tarixində ən isti iyul ayını yaşadı. İyunun sonu və iyulun əvvəlində baş verən istilər zamanı əvvəlki illərlə müqayisədə 36 faiz artımla 5767 nəfər əlavə ölüm halı qeydə alınıb.
İsti hava və quraqlıq yanğın riskini artırdığından bu il ölkə üzrə 117 min hektar ərazi yanaraq külə dönüb.
