Minumum pensiya kapitalı tələb olunan həddən aşağı olan şəxslər rahatlıqla pensiyaya çıxa biləcəklər.
Avropa.info xəbər verir ki, bununla bağlı iqtisadçı ekspert Xalid Kərimli açıqlama verib.
O bildirib ki, Azərbaycanda pensiya yaşına çatmış şəxslər 2 halda bu hüquqdan istifadə edə biləcəklər.
“Bunun üçün şəxsin pensiya kapitalı minumun təqaüd təminatına imkan verməlidir. Hazırda əmək pensiyası üçün 46800 manat kapital tələb olunur. Bu mümkün olmadıqda şəxsin azı 25 il sığorta stajı olmalıdır. Bu da yoxdursa, 2018-ci ilin 1 iyul tarixində qeydə alınan ən kiçik məbləğdə pensiya kapitalı şəxs üçün avtomatik hesablama imkanı verir. 2026-cı ildən ibarət olaraq hədiyyə olunan sığorta stajı 1 il azalacaq. 2026-ci ildən sonra hökümət 25 illik yox, 24 illik sığorta stajı hədiyyə edəcək, hər növbəti il bu 1 il azalacaq”, – deyə o əlavə edib.
İqtisadçı vurğulayıb ki, iş stajı olmayan şəxslər heç bir narahatlıq olmadan pensiyaya çıxa biləcəklər:
“Bununla paralel müxtəlif səbəblərdən işləməyən və rəsmi gəliri olmayan şəxslər də var. Onlar nə müvafiq məbləğdə pensiya kapitalına, nə də ki sığorta stajına malik olur. Qanunvericiliyə görə, belə şəxslər pensiya yaşına çatdıqda yaşa görə müavinətlə təmin edilirlər. Həmin müavinətin aylıq məbləği 220 manatdır”.
