Radev qeyd edib ki, Ukrayna Avropa silahları ilə Rusiya Federasiyasının dinc ərazilərinə hücum edir.
Rusiya ərazisinə hücumlar üçün Avropanın uzaqmənzilli silahlarının Kiyevə verilməsi ehtiyatsızlıqdır və münaqişənin genişlənməsi riskini artırır.
Avropa.info xəbər verir ki, bu barədə “The Sofia Globe” qəzetinə istinadən Bolqarıstanın Baş naziri Rumen Radev bildirib.
Bolqarıstanın baş naziri Avropa ölkələrini Kiyevə gələcək hərbi dəstəyin nəticələrini ayıq şəkildə qiymətləndirməyə çağırıb. O qeyd edib ki, zərbələr endirərkən Avropa istehsalı olan silahlardan, kəşfiyyat məlumatlarından və Avropadan olan təlimatçıların köməyindən istifadə olunur.
“Aparıcı Avropa ölkələrinin Rusiya ərazisinə minlərlə kilometr dərinlikdə zərbə endirmək üçün uzaqmənzilli silahlarını göndərməsi ehtiyatsız addım deyilmi?” – Radev dedi.
Onun fikrincə, münaqişənin davam etməsi onun digər dövlətlərə yayılma təhlükəsini artırır. Baş nazir həmçinin uzaq mənzilli Avropa silahlarından istifadəyə görə qisas alma ehtimalını nəzərə almağa çağırıb.
Bundan əvvəl Aİ diplomatiyasının rəhbəri Kaja Kallas bildirmişdi ki, Aİ müdafiə nazirləri Kiyev üçün əlavə Patriot raketlərinin tapılmasında irəliləyiş əldə etməyiblər. Bundan əvvəl o, Aİ-nin müdafiə departamentləri rəhbərlərinin görüşündən sonra hava hücumundan müdafiə sistemlərinin tədarükü ilə bağlı konkret nəticələr gözləməməyə çağırıb.
