YAP Yasamal Rayon Təşkilatının və Beynəlxalq Qalereyanın birgə təşkilatçılığı ilə Qarabağ zəfərinə həsr olunmuş “Zəfər Yolu” adlı master-klass və sərgi təşkil olunub.
Avropa.info xəbər verir ki, tədbirdə Nərimanov rayonu Erudit Liseyinin sinif rəhbərləri Nərgiz Nəcəfova və Gülzar İsmayılzadənın rəhbərliyi ilə 3Q, 3 V siniflərinin şagirdlər iştirak ediblər.
YAP Yasamal Rayon Təşkilatının sədri Bəxtiyar Nəbiyev iştirakçıları salamladı və Qarabağ zəfəri haqqında geniş məlumat verib. Müzəffər Ali Baş Komandan İlham Əliyevin rəhbərliyi ilə şanlı Azərbaycan Ordusunun qazandığı tariximizə qızıl hərflərlə yazıldığını qeyd edib. Gənc nəslin vətənpərvərlik ruhunda yetişməsində belə tədbirlərin mühüm əhəmiyyət daşıdığını diqqətə çatdırdı və şagirdlərə təhsildə uğurlar arzulayıb.
Beynəlxalq Qalereyanın direktoru Elnurə İsgəndərova uşaqların sənət yolunda ilk addımlarını atdıqlarını və müəllimlərin peşəkarlıqla sənətin sirlərini onlara öyrətdiklərini bildirib.
Gənc nəslə vətənpərvərliyin təbliğ olunmasında əməyinə görə Erudit Liseyinin direktoru Sevil Cəlilovaya, koordinator Nailə Rəsulovaya təşəkkür edib.
Aygün Əzizovanın layihə rəhbəri olduğu sərgi və masterklasda müəllimlər Elnara İsgəndərova, Arzu Məmişova, Şəhanə Paşayeva, Fərəh Babayeva, Elmira Yəhyayeva, ADPU-nun baş müəllimi Səyyar Əliyev uşaqlara xarıbülbül çiçəyinin akvarellə işlənmə texnikasını öyrədiblər.
Sonda iştirakçılara sertifikat və bədii kitablar hədiyyə olundu. Xatirə fotoları çəkildi və Zəfər flaşmobu keçirilib.
Aygün Əzizova
Fotolar Camalındır
Operator: Xatirə Məmmədova
