Suriyanın Cəzirə bölgəsində ərəb qəbilələri ilə əsas özəyini terror təşkilatı PKK/YPG-nin təmsil etdiyi Suriya Demokratik Qüvvələri (SDQ) arasında qarışıqlıq yaşanır.
Avropa.info xəbər verir ki, Səudiyyə Ərəbistanın “Şarkul Awsat” media quruluşuna danışan danışan özəl mənbələr, ərəb qəbilələrinin Suriyanı bölməyə çalışan SDQ-yə qarşı hərəkətə keçdiyini bildiriblər.
“Ərəb tayfaları ayağa qalxıblar və uyğun anı gözləyirlər. Qəbilə liderləri Suriyanın bütün komponentlərinin dövlətin tərkibinə daxil edilməli olduğunu bildirərək, onları təmsil etməyən bir layihəyə tabe olmağı rədd edirlər”, – deyə “Şarkul Awsat” bildirir.
Məlumatlara görə, qəbilə liderləri SDQ-ni ərəblərə qarşı ayrı-seçkilik etməkdə, onları yerli hökumətdə marginallaşdırmaqda, neft və su kimi təbii ehtiyatları monopoliyaya almaqda ittiham edir.
Suriyanın şimalında və şərqində gərginlik artdıqca ərəb qəbilə liderləri ABŞ-ın rəhbərlik etdiyi beynəlxalq koalisiyaya müraciə edərək, SDQ və dövlət xaricində olan bütün silahlı qruplara dəstəyin dayandırılmasını tələb ediblər. Suriyanı yeni hökumətinə tabe olan Deyr əz-Zor qubernatoru da açıqlama yayaraq bildirib ki, SDQ ilə danışıqlar uğursuz olarsa, hərbi əməliyyatlar son çarə kimi masada qalır.
Xatırladaq ki, ABŞ-ın Türkiyədəki səfiri və prezident Trampın Suriya üzrə xüsusi nümayəndəsi Tom Barrak CNN Türk telekanalına müsahibəsində PKK/YPG/SDQ-nin silahları buraxmasını tələb edib.
“SDQ YPG-dir. YPG PKK-nın törəməsidir. PKK bu gün silahı yerə qoymağa başlayıb. Bu, Türkiyə üçün böyük hadisədir.”Bizim heç kimə dövlət borcumuz yoxdur. Bəli, İŞİD-ə qarşı YPG ilə ittifaqımız var idi, lakin bu, onlara müstəqillik vermək istədiyimiz anlamına gəlmir. Onlar vahid Suriya daxilində keçid prosesinə daxil edilə bilər”, – deyə Barrak bildirib.
Avropa.info
