İtaliyanın cənubundakı Siciliya adasının müxtəlif yerlərində dünən başlayan meşə yanğınları zaman zaman bəzi bölgələrdə yaşayış məntəqələrini təhdid edib.
Avropa.info xəbər verir ki, Adanın qərbində Palermo şəhəri yaxınlığında, Ciminna qəsəbəsindən Ventimiglia di Sicilia’ya qədər uzanan maki bölgəsində dünən günortadan sonra başlayan yanğın geniş ərazini əhatə edib.
Yanğının qarşısını almaq üçün yanğınsöndürənlər qurudan su maşınları ilə, havadan isə yanğınsöndürən təyyarə və helikopterlərlə müdaxilə edib.
Bu arada yanğın zaman zaman bölgədəki evləri təhdid edərkən, 1 nəfərin yaralandığı və təcili yardım və vertolyotla Palermoya aparıldığı öyrənildi.
Ciminna çölündə hektarlarla makiləri bürüyən alov evlərini də təhdid etdiyi üçün bir çox insanın evlərini tərk etməli olduğu bildirilib.
Siciliya adasındakı Palermo yaxınlığındakı yanğından başqa Trapani, Aqrigento və Messina şəhərləri yaxınlığındakı kolluq ərazilərdə də yanğınların davam etdiyi bildirilib.
Milli mətbuatda həmçinin havanın temperaturunun 40 dərəcəni keçdiyi adada bəzi yanğınların qəsdən törədildiyinə dair şübhələrin olduğu bildirilib.
