İsrail ordusunun 2023-cü ilin oktyabr ayından Qəzza zolağına həyata keçirdiyi hücumlarda ölənlərin sayı 73 min 449-a yüksəlib.
Avropa.info xəbər verir ki, Səhiyyə Nazirliyinin Qəzzada verdiyi yazılı açıqlamada, İsrailin 2023-cü ilin oktyabr ayından bu yana davam edən hücumlarında ölənlərlə bağlı son məlumatlar paylaşılıb.
Qeyd olunub ki, son 48 saatda 9-u yeni hücumlarda, 1-i əvvəlki hücumlarda həyatını itirən və cəsədləri dağıntılar altından yeni çıxarılan 10 nəfərin cəsədi, 18 yaralı isə Qəzzada xəstəxanalara çatdırılıb.
Bildirilib ki, Qəzzada atəşkəsin qüvvəyə mindiyi 2025-ci il oktyabrın 10-dan indiyədək İsrailin hücumları nəticəsində 1313 nəfər həyatını itirib, 4 min 361 nəfər yaralanıb, dağıntılar altından 815 nəfərin cəsədi çıxarılıb.
2023-cü ilin oktyabr ayından etibarən İsrailin Qəzza zolağına təşkil etdiyi hücumlarda ümumi can itkisinin 73 min 449-a, yaralı sayının isə 174 min 472-yə yüksəldiyi bildirilib.
Qəzza zolağında dağıntılar altında hələ də minlərlə cəsədin olduğu bildirilir.
